Խորենացու փողոցի 13 հասցեում, «Շիրակ» հյուրանոցի հարևանությամբ գտնվող շենքի ապամոնտաժումը դժգոհությունների տեղիք է տվել: Շարունակում են քանդել Երևանը` ահազանգում են մասնագետներն ու մտահոգ երևանցիները:
«Պատմամշակութային ժառանգության գիտահետազոտական կենտրոն» ՊՈԱԿ-ը համարել է, որ այն չունի պատմամշակութային զգալի արժեք: Մշակույթի փոխնախարար Տիգրան Գալստյանը գրառում է արել իր ֆեյսբուքյան էջում, նշելով, որ նախկին կրթության և գիտության նախարարության շենքը, ցավոք, չի հանդիսանում պատմության և մշակույթի անշարժ հուշարձան, հետևաբար քանդման թույլտվության հետ ՀՀ մշակույթի նախարարությունն առնչություն չունի:
Երևանի քաղաքապետարանը պարզաբանել է, որ ապամոնտաժումն արվել է դեռևս 2004-ին, որի ժամանակ պահպանվել է միայն դիմային հատվածը, շենքը մասնավորեցնելուց հետո սեփականատերերը չեն նախատեսել ճակատային հատվածի պահպանում: Շինությունն էլ հուշարձան շենք չէ, ինչպես նաև ներառված չէ Երևան քաղաքի՝ ճարտարապետական տեսակետից արժեքավոր շենքերի կազմում: Քաղաքապետարանը ներկայացրել է նաև այդ հասցեում բիզնես կենտրոնի էսքիզային տարբերակները` նոր քննադատությունների տեղիք տալով:
Հոդվածն ամբողջությամբ՝ «Իրատես» թերթի այսօրվա համարում:
