Թափառող կենդանիների, մասնավորապես՝ շների խնդիրը մեր մայրաքաղաքում ոչ մի կերպ չի լուծվում: Եթե դրանք ստերջացված չեն, հաճախ են մարդկանց վրա հարձակվում, վախեցնում ու անգամ կծում:
Կենտրոնում որոշակի առումով շների խնդիրը լուծված է, եւ թափառող շները գոնե այնքանով անվտանգ են, որ մարդկանց վրա չեն հարձակվում, սակայն Երեւանի ծայրամասային թաղամասերում, սոված ու ագրեսիվ շներ շատ կան:
Պարույր Սեւակի փողոցում, որտեղ Օրգանական եւ դեղագործական քիմիայի գիտատեխնոլոգիական կենտրոնն է եւ նաեւ բնակելի շենքեր, շները ոհմակներով են շրջում: Շները երկար տարիներ է այս տարածքում են: Նրանք հիմնականում գիտատեխնոլոգիական կենտրոնի տարածքում են «տնավորվել», բայց կեր հայթայթելու համար ստիպված են լինում տարածքից դուրս գալ: Մինչ կհասնեն փողոցի աղբամաններ, որոնք նրանց հիմնական կերակրատաշտն են, սննդի տոպրակներով տուն վերադարձող կամ գնացող բնակիչներին են վրա տալիս: Շների հարձակումներին տարածքի երեխաներն էլ են ենթարկվում:
Շներին տարածքից հեռացնելու խնդրանքով գիտատեխնոլոգիական կենտրոնի ղեկավարությունն ու Պարույր Սեւակի 8 եւ 8/1շենքերի բնակիչները տասնյակ անգամներ ահազանգել են: Սակայն Քանաքեռ-Զեյթուն վարչական շրջանի պատասխանատուները որեւէ միջոց չեն ձեռնարկել:
Թեմայի մանրամասները` կարդացեք:
ԼՈՒՍԻՆԵ ԲՈՒԴԱՂՅԱՆ
«Առավոտ» օրաթերթ,
28.02.2019
