«Որեւէ մեկը ինձ նմանատիպ տոնով չի կարող զանգահարի, վստահեցնում եմ ձեզ». Օսիպյանը՝ Ֆրանկլին Գոնսալեսի զանգի մասին

Ոստիկանապետ Վալերի Օսիպյանի հանդիպումը «Իմ քայլը» խմբակցության պատգամավորների հետ տեւեց մոտ 2 ժամ:

Հանդիպումից հետո լրագրողների հետ ճեպազրույցում Օսիպյանը հարցին, թե դո՞ւք եք եղել այն պաշտոնատար անձը, որին Սերժ Սարգսյանի եղբորորդին՝ Նարեկ Սարգսյանը, նույն ինքը՝ Ֆրանկլին Գոնսալեսը զանգահարել է: Օսիպյանը պատասխանեց. «Չեմ հասկանում ինչի մասին է խոսքը գնում: Ինձ որեւէ մեկը չի զանգահարել, որեւէ մեկը ինձ նմանատիպ տոնով չի կարող զանգահարի, վստահեցնում եմ ձեզ»:

Հիշեցնենք, որ Նարեկ Սարգսյանը ԱԱԾ-ում հարուցված քրեական գործի շրջանակներում հետախուզ­ման մեջ էր ու Պրահայում հայտնաբերվել էր Ֆրանկլին Գոնսալես անունով ու ըստ մամուլի հրապարակումների, զանգահարել է իրավապահ համակարգի բարձրաստիճան պաշտոն­յաներից մեկին, ներկայացել ու հայհոյախառն արտահայտություններ հնչեցրել, թե՝ Նա իրավապահ համակար­գի պաշտոնատար այդ անձին ասել է. «Դու ո՞վ եղար, որ ինձ փնտրես, ինձ հետախուզես ու մի հատ էլ բռ­նել տաս, մոռացե՞լ ես, թե դու ով ես…»:

Թե երբ Նարեկ Սարգսյան-Գոնսալեսին կբերեն Հայաստան, կարտահանձնեն՝ Օսիպյանը չգիտի, ասաց, որ ոստիկանությունից դա չի կախված, իրենք իրենցից ինչ հասնում էր՝ արել են:

Հռիփսիմե ՋԵԲԵՋՅԱՆ