«Ազգային առաջընթաց», «Արդարություն», «Գործարար», «Հայք-հայկազունիներ», «Քրիստոնեադեմոկրատական վերածնունդ», «Նժդեհյան ցեղակրոն» եւ «Հայ կառուցողական» կուսակցությունները, ինչպես նաեւ՝ «Զարթոնք» նախաձեռնող խումբը, «Ժողովրդի ձայն» նախաձեռնությունը եւ «Հայ մասնագետների խորհուրդը» միավորվել են մեկ նախաձեռնության շրջանակում, որի անվանումն է «Նոր սահմանադրություն»:
Հայաստանի դեմոկրատական կուսակցության գրասենյակում այս քաղաքական ուժերը քննարկում են սահմանադրական դրույթները։ ԱԻՄ նախագահ Պարույր Հայրիկյանը նշում է, որ քաղաքացիների իրավահավասարությունը միայն ընտրական, հանրաքվեի գործընթացին մասնակցելով չէ, այլ նաև՝ պետության կառավարման մեջ։ Հայրիկյանը նկատում է՝ Հայաստանը չի ունեցել ժողովրդավարական նախադրյալները, որպեսզի դրանք արտացոլված լինեին ՀՀ Սահմանադրության մեջ
Իսրայելը, Հայրիկյանի խոսքով, գնահատվում է Մերձավոր Արևելքում ամենաժողովրդավարական պետությունը լինելով։ Հայրիկյանը պետության ժողովրդավարացման համար նշում է մի շարք օրինակներ։ Օրինակ՝ նախագահը պետք է ընտրվի ոչ թե 5 տարով, այլ՝ 2, պատգամավորը խորհրդարանում պետք է 1 ձայնի իրավունք չունենա, այլ՝ իրեն ընտրողների քվեների քանակով։ Հայրիկյանի առաջարկությամբ պետք է վերացվի նախագահի ինստիտուտը, իսկ վարչապետը պետք է ընտրվի քաղաքացիների քվեարկությամբ։
Սահմանադրության մեջ, ըստ Հայրիկյանի, կենտրոնը պետք է լինի քաղաքացու ինքնորոշման, սեփական որոշումը կայացնելու իրավունքը։ Հայրիկյանն առաջարկում է ներդնել ազդարարման մի կարգ, ըստ որի՝ Եթե պատգամավորը մահանում է, արդեն իսկ նախօրոք ազդարարած լինելու պարագայում նշված է լինում, թե ով պետք է իրեն փոխարինի։
Մանրամասներին կարողեք ծանոթանալ՝ «Ա1+»-ի կայքում:
