2019թ․ փետրվարի 27-ին, ժամը 12։00-ին «Հայացք» մամուլի ակումբում տեղի ունեցավ «Կառուցողական Երկխոսության Հանձնառություն» ծրագրի շրջանակում իրականացվող «ՀՀ բուժաշխատողների շարունակական մասնագիտական զարգացման բարելավման ծրագրի» համակարգող Գևորգ Գրիգորյանի մամուլի ասուլիսը:
Բանախոսը ներկայացրեց ծրագրի իրականացման ընթացքը, առաջացած խոչընդոտները։ Ծրագրի աշխատակազմը մեկնարկել է բուժաշխատողների շրջանում հարցախույզների իրականացումը, որի նպատակն է պարզել, թե որքան արդյունավետ են վերջիններս գնահատում մասնագիտական զարգացմանը միտված միջոցառումները, որքանով են դրանք համապատասխանում բուժաշխատողների կարիքներին, ինչ թերություններ ու բացեր կան կրեդիտների հաշվարկման համակարգում: Ծրագրի շրջանակներում իրականացվում են ինչպես քանակական, այնպես էլ խորքային ուսումնասիրություններ, ուսումնասիրվում է միջազգային լավագույն փորձը: Հարցումների և միջազգային փորձի ուսումնասիրության արդյունքների հիման վրա մշակված առաջարկները ներկայացվելու են ՀՀ առողջապահության նախարարությանը և Առողջապահության ազգային ինստիտուտին:
Հանդիպմանը հրավիրված են նաև ՀՀ Առողջապահության նախարարության Առողջապահության ազգային ինստիտուտի տնօրեն Ալեքսանդր Բազարչյանը և ՀՀ ԱՆ ԱԱԻ Մասնագիտական գործունեության հավաստագրման ազգային կենտրոնի ղեկավար Սոնա Սարգսյանը, սակայն վերջիններս ասուլիսին չէին ներկայացել։
Մամուլի հաղարդագրություն
