Շիրակի թեմի առաջնորդ Միքայել Աջապահյանն արժանացել է արքության աստիճանի․ նրա հոգևոր կոչումը փոխվել է՝ եպիսկոպոսից դառնալով արքեպիսկոպոս (Արք կամ արհ նշանակում է մեծ)։
Այս մասին տեղեկանում ենք նրա ֆեյսբուքյան էջում գրված տարբեր շնորհավորանքներից։
Մասնավորապես, Շիրակի թեմի սոցիալ-կրթական կենտրոնի շնորհավորանքի մեջ գրված է․ «Գերաշնորհ Սրբազան Հայր, ի սրտե շնորհավորում ենք Ձեզ արքության աստիճանին արժանանալու առիթով՝ համարելով այն տարիների Ձեր վաստակի, աշխատասիրության, Հայրենիքի և մեր Սուրբ Եկեղեցու հանդեպ ունեցած Ձեր սիրո և անմնացորդ նվիրումի գնահատանքը: Մաղթում ենք անկոտրում ոգով ու հավատարմությամբ շարունակել ծառայել առ ի լուսավորություն և ի բարօրություն հայ ժողովրդի և ի նպաստ Հայ Առաքելական Սուրբ Եկեղեցու: Խաղաղությունն ու ստեղծագործ աշխատանքն անպակաս լինեն Շիրակի թեմի առաջնորդից»։
Նունե ԱՐԵՎՇԱՏՅԱՆ
Լուսանկարը՝ Միքայել Աջապահյանի ֆեյսբուքյան էջից
