Aravot.am-ը Համազգային թատրոնի փոխտնօրեն Մանուկ Նիգոյանից հետաքրքրվեց` որքանո՞վ է հավաստի տեղեկությունը, թե ի թիվս այլ մշակութային օջախների` առաջիկայում հնարավոր է լուծարվի նաեւ Համազգային թատրոնը:
«Մենք պաշտոնական որեւէ ծանուցում` ոչ կառավարությունից, ոչ մեր վերադաս մարմնից`մշակույթի նախարարությունից, չենք ստացել, հետեւաբար ոչ հերքելու, ոչ էլ հաստատելու լիազորությամբ չենք օժտվել: Այսինքն, քանի դեռ չկա պաշտոնական ծանուցում, ես հերքում եմ:
Այն փաստաթղթերը, որ հայտնվել են լրատվամիջոցների տրամադրության տակ, նույնիսկ մեզ չեն ուղարկվել»,-ասաց Համազգայինի փոխտնօրենը:
Նաեւ ընդգծեց, որ երբ լրագրողներից մեկից նման լուր է ստացել, անմիջապես զանգել է մշակույթի նախարարության իրավաբանական վարչության պետին, հարցրել է, թե լուրն ինչքանով է համապատասխանում իրականությանը, որպեսզի լիազորություն ստանա հերքելու, վարչության պետը պատասխանել է, որ հանգիստ կարող եք հերքել:
Մանուկ Նիգոյանը նաեւ ասաց, ոչ այս ամենը հայտնում է` չբացառելով ապագայում կայանալիք հնարավոր փոփոխությունները. «Երբեք չես կարող իմանալ, թե մի տարի հետո ինչ որոշում կկայացվի: Այս պահին նման որոշում չկա»
Գոհար ՀԱԿՈԲՅԱՆ
Լուսանկարը` Մանուկ Նիգոյանի ֆեյսբուքյան էջից:
Հայաստանի լավագույն թատրոններից է, ոնց կարող եք նման բան ասել…