«Այն, որ կառավարության ծրագրում բացակայում է Թուրքիայի հետ որեւէ տեսակի հարաբերություններ հաստատելու կետը, դրանում որեւէ հանցավոր բան չեմ տեսնում: Դա իրավիճակն է արտահայտում ՀՀ-Թուրքիա հարաբերությունների, որոնք, փաստացի, չկան»,- «Տեսակետ» մամուլի ակումբում այսօր անդրադառնալով ՀՀ կառավարության ծրագրին` ասաց թուրքագետ Անուշ Հովհաննիսյանը:
Թուրքագետը հիշեցրեց ՀՀ երկար տարիների քաղաքականությունը, որը վերահաստատեց նաեւ վարչապետ Նիկոլ Փաշինյանը. «Նա հայտարարեց, որ ՀՀ-ն պատրաստ է առանց նախապայմանների հարաբերություններ հաստատել Թուրքիայի հետ: Մենք՝ թուրքագետներս, չենք տեսնում, որ Թուրքիան ցանկություն ունի որեւէ կերպ հարաբերվել ՀՀ-ի հետ: Հակառակը, շարունակում է Ադրբեջանի հետ ՀՀ-ին ճնշելու քաղաքականությունը: Նման իրավիճակում կառավարության ծրագրում Թուրքիայի մասին տող գրելը ճիշտ չէ»:
Անուշ Հովհաննիսյանը նաեւ նշեց, որ կառավարության ծրագրի՝ արտաքին քաղաքականությանը վերաբերող հատվածը շատ խոցելի կողմեր ունի. «Քննադատության տեղիք կա, ինչն արդարացված է»:
https://www.facebook.com/aravot.am/videos/320234891962893/
Լուիզա ՍՈՒՔԻԱՍՅԱՆ
