«Իմ քայլը» դաշինքի պատգամավորները օրենսդրական նախաձեռնությամբ հանդես կգան, որի նպատակը լինելու է մտավոր սեփականության պաշտպանությունը: Այսօր այս մասին լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը`վերակազմավորվող կապի, տրանսպորտի եւ տեղեկատվական տեխնոլոգիաների նախարար Հակոբ Արշակյանի հետ հանդիպումից հետո: Ոլորտն օրենքով կարգավորելու առաջարկը եղել է նախարարինը: Մեկ այլ օրենսդրական նախաձեռնության մասին էլ է խոսել Հակոբ Արշակյանը, որը Լիլիթ Մակունցը չբարձրաձայնեց. «Իրենք կներկայացնեն»:
Լիլիթ Մակունցը նաեւ ասաց, որ իր կարծիքով, հանդիպումների երկրորդ փուլը պետք է հրապարակային լինի, որովհետեւ «շատ հարցեր քննարկեցվինք, որոնց մասին պետք է հանրությունը իմանա, թե յուրաքանչյուր նախարարություն ինչպես է պատկերացնում երկրի հետագա զարգացումը նաև տնտեսական առումով»: Նա մանրամասնեց`Հակոբ Արշակյանը խոսել է այն մասին, թե ինչպես բարձր տեխնոլոգիաները կարող են զարգացնել տնտեսությունը, մասնավորապես տեղում գործող ընկերությունների միջոցով, ինչպե՞ս ստարտափերը վերածել մեծ ընկերությունների: Հակոբ Արշակյանը նաեւ ոլորտի վերջին յոթ տարիների ընթացքի մասին վիճակագրություն է ներկայացրել:
Այլ մանրամասները`տեսանյութում
Նելլի ԳՐԻԳՈՐՅԱՆ
