Հարցին՝ ի՞նչ փուլում է գտնվում իր եւ ՀՔԾ պետ Սասուն Խաչատրյանի հեռախոսազրույցի գաղտնալսման գործը, այսօր ԱԱԾ ղեկավար Արթուր Վանեցյանը կառավարության նիստից հետո, պատասխանեց, որ գործը ՀՔԾ տիրույթում է, եւ այս պահին չի կարող մանրամասներ հայտնել: Արթուր Վանեցյանն ասաց, որ գաղտնալսման գործով մեկ անգամ է հարցաքննվել եւ եթե անհրաժեշտություն կլինի, էլի պատրաստ է հարցաքննվել: ԱԱԾ ղեկավարը տեղեկացրեց, որ իր նկատմամբ քննչական գործողություն էլ է կատարվել, հեռախոսի ողջ պարունակությունն ամբողջությամբ վերծանվել է, բոլոր արխիվային տվյալները հանվել են:
Լրագրողները հետաքրքրվեցին՝ այլեւս չե՞ն գաղտնալսում ԱԱԾ տնօրենին, պարոն Վանեցյանը պատասխանեց՝ հնարավոր է եւ գաղտնալսում են:
Արթուր Վանեցյանը այն հարցին՝ իսկ լրագրողներին գաղտնալսո՞ւմ են, վստահեցրեց, որ «ընդհանրապես լրագրողները չեն գաղտնալսվում»:
Լուսինե ԲՈՒԴԱՂՅԱՆ
