«Առավոտում» էին Սվետա Դավթյանն ու Կարինե Ավետիսյանը: Մայր ու ու դուստր:
63-ամյա կնոջը ծեծել էին: Գլխին վնասվածքներ կային:
Գավառից հինգ տարի առաջ Երեւան են եկել, մասնակցել նախկին նախագահի տան դիմաց կազմակերպված ցույցերին: Այդ օրվանից նրանք Գավառ չեն վերադարձել, քանի որ տեղի ոստիկանները նրանց փորձել են «վերցնել», «գիժ» են համարում, եւ ամեն գնով, ինչպես նրանք են ասում, փորձում են տանել հոգեբուժարան:
Առերեւույթ հիվանդները խոսում են հասկանալի, պարզ: Կյանքի դառնությունները չճաշակած մարդու համար խորթ է այն, որ նրանք են ասում. «Ստիպողաբար մեզ տարան հոգեբուժարան, այնտեղ ծեծեցին, որպեսզի իմանան՝ գի՞ժ ենք, թե՞ ոչ»:
Որտեղ են բնակվում, կհարցնեք դուք, ինչպես հարցրեցի ես: Պատասխանում են՝ հիվանդանոցների աթոռներին: Օգնում են հիվանդների հարազատներին, որոնք գիշերն անցկացնում են հիվանդ հարազատներին սպասելով:
Նրանք կացարան չունեն, մայրը չգիտի, թե արդյոք իր հաշվին կա՞ թոշակ, չէ՞ որ կենսաթոշակառու է, զրկված են տարրական խնամքից, ուշադրությունից:
Ռ. Մ.
«Առավոտ» օրաթերթ,
15.02.2019
