Քաղաքագետ Ալեքսանդր Իսկանդարյանի կարծիքով, Լեռնային Ղարաբաղի հակամարտության կարգավորման հարցում փորձ է արվում վերակենդանացնել Մինսկի գործընթացը, որը փաստացի մահացել է.
«Դավոսում Փաշինյան-Ալիև հանդիպումը պատահական չի եղել։ Դավոսում չեն լինում պատահական հանդիպումներ»:
«Ամեն դեպքում, 2016-ին այն հաստատ մահացել էր։ Հիմա փորձ է արվում այն վերակենդանացնել, որպեսզի գոյություն ունենա որպես ձևաչափերից մեկը՝ անվտանգության ու հակամարտության կողմերի միջև կապի համար», – այսօր «Տեսակետ» ակումբում ասաց քաղաքագետը:
Նրա դիտարկմամբ, գործընթացը հանգեցնելու է երկու երկրների առաջին դեմքերի հանդիպմանը, ինչն ակնհայտորեն նախապատրաստվում է. «Իմ կարծիքով, Դավոսում Փաշինյան-Ալիև հանդիպումը պատահական չի եղել։ Դավոսում չեն լինում պատահական հանդիպումներ»:
Անդրադառնալով ներքաղաքական զարգացումներին՝ քաղաքագետը նկատեց, որ Հայաստանում տեղի ունեցող ամենակարևոր գործընթացն այս պահին նոր ձևավորված կառավարությունն ու կառավարության ծրագիրն է: Նրա խոսքով, նոր կառավարության ու կառավարության ծրագրի մասին խոսակցությունները դեռ երկար են շարունակվելու:
Արփինե ՍԻՄՈՆՅԱՆ
