«Իմ քայլը» դաշինքի պատգամավոր Անուշ Բեղլոյանն այսօր ԱԺ ամբիոնից դահլիճում գտնվող ՀՀ վարչապետ Նիկոլ Փաշինյանին փոխանցեց իր հարեւանուհիների խոսքերը: Վերջիններս, երբ իմացել են, որ Անուշ Բեղլոյանը պատգամավոր է ընտրվել, խնդրել են վարչապետին երախտիքի խոսքեր փոխանցել:
Լուսանկարը՝ Անուշ Բեղլոյանի ֆեյսբուքյան էջից
«Մեր հարեւանությամբ հացի փուռ կա, որում երեք կին են աշխատում, փուռը նրանցն է: Խնդրեցին փոխանցել ձեզ իրենց խորին շնորհակալությունը: Նրանք ասում են՝ «չհավատաք, թե ոչինչ չի փոխվել, այդպես չէ: Առաջ մեզ սպառնում էին, փայ ուզում, ճնշում, իսկ հիմա շատ ազատ ու լավ ենք ապրում»,-հացի փռի կանանց ասելիքը փոխանցեց Անուշ Բեղլոյանը:
Նրանք խնդրել էին նաեւ հայտարարել, որ երկրում իսկապես իրավիճակ է փոխվել եւ դեռ կփոխվի:
Հիշեցնենք, որ ԱԺ-ն քննարկում է կառավարության ներկայացրած ծրագիրը:
Լուիզա ՍՈՒՔԻԱՍՅԱՆ
