Այսօր առավոտվա ժամը 12-ից տեւած բանակցությունների արդյունքում Ալավերդու պղնձաձուլարանի աշխատակիցները որոշեցին բացել Միջպետական երկաթգիծը:
Այս մասին Aravot.am-ի հետ զրույցում ասացին աշխատակիցները, որոնք առավոտից երկաթգիծը փակ էին պահում՝պահանջելով լուծել պղնձաձուլարանի վերագործարկման հարցը: Նրանց խոսքով փետրվարի 28-ին լրանում է նաեւ այն պայմանագրի ժամկետը, որով գոնե 2/3 աշխատավարձ էին ստանում: Պղնձաձուլարանի աշխատակիցները երկաթգիծը փակել էին ի նշան բողոքի:
Մեզ հետ զրույցում ասացին, որ ժամանակավոր են բացում, եւ, եթե կառավարությունը խոստումը չկատարի՝ կրկին անժամկետ փակելու են: Լոռու մարզպետի հետ պայմանավորվել են, որ ուրբաթ օրը փոխվարչապետի գրասենյակի ներկայացուցիչները կրկին հանդիպելու են գործարանի սեփականատիրոջ եւ բանկի ներկայացուցչի հետ՝ հարցը կրկին քննարկելու եւ լուծում առաջարկելու:
Լուսինե ԲՈՒԴԱՂՅԱՆ
