«Սասնա ծռերի» տասն անդամներից Պավել Մանուկյանի եւ Վարուժան Ավետիսյանի նկատմամբ առաջադրված մեղադրանքներից մեկով քրեական հետապնդումը դադարեցվեց: Քիչ առաջ նման որոշում կայացրեց Երեւանի ընդհանուր իրավասության դատարանի դատավոր Մեսրոպ Մակյանը:
Դատավորը պարզաբանեց, որ Պավել Մանուկյանի եւ Վարուժան Ավետիսյանի նկատմամբ քրեական հետապնդումը դադարեցվեց միայն զանգվածային անկարգությունների նախապատրաստության հոդվածով:
Հիշեցնենք, «Սասնա ծռերի» համաներմանը դեմ նախորդ նիստում առարկել էր ՀՀ ոստիկանապետ Վալերի Օսիպյանը: Այսօր խմբի անդամների համաներման վերաբերյալ իր առարկությունը հայտնեց նաեւ ՀՀ նախկին ոստիկանապետ Վարդան Եղիազարյանը: Վարդան Եղիազարյանը չառարկեց միայն Արայիկ Խանդոյանին համաներելու առնչությամբ`«հայտնի պատճառներով»: Հիշեցնենք, որ Խանդոյանը մահացել է:
Նելլի ԳՐԻԳՈՐՅԱՆ
