ԱԺ-ում այսօր ՀՀ կառավարության ծրագրի ներկայացման հարցուպատասխանի ժամանակ պատգամավորներից մեկը վարչապետ Նիկոլ Փաշինյանից հետաքրքրվեց, թե ինչու կառավարության ծրագրում ներառված չէ ՀՀ ընտրական օրենսգրքում փոփոխությունների իրականացման հարցը:
«Կառավարության նախորդ ծրագրի վրա խաչ չի քաշվել, այն շարունակում է մնալ մեր ծրագիրը: Ընտրական օրենսգրքով միշտ զբաղվել է ԱԺ-ն, Կառավարությունն էլ նպաստել է, եւ դա տրամաբանական է»,-պատասխանեց Նիկոլ Փաշինյանը:
Նա նշեց, որ Ընտրական օրենսգրքի բարեփոխումները ԱԺ առաջնահերթություններում պետք է լինեն, ոչ թե Կառավարության. «Նույնը վերաբերում է նաեւ անցումային արդարադատության մարմինների ստեղծմանը»:
Լուիզա ՍՈՒՔԻԱՍՅԱՆ
