Երևանի քաղաքապետի մամուլի քարտուղար Հակոբ Կարապետյանը ֆեյսբուքյան իր էջում հայտնում է.
«Ի գիտություն երեւանցիների, հատկապես այն համաքաղաքացիների, որոնք մտահոգ են Շահումյանի հրապարակը մեքենաներից ազատելու հետեւանքով կայանման խնդիրների ավելացմամբ.
Քաղաքապետ Հայկ Մարությանն այսօր հայտարարեց, որ քաղաքապետարանը բանակցում է նախկին «Մանկական աշխարհի» տակ գոյություն ունեցող շուրջ 160 մեքենա տեղավորող կայանատեղի սեփականատիրոջ հետ՝ դրա օգտագործման պայմանների շուրջ»:
