Ինչպես նախորդ, այս կառավարությունը նույնպես իր հնգամյա ծրագրում տարածքային զարգացման անհամաչափությունները մեղմելու համար խոստանում է տեղական եւ օտարերկրյա ներդրումները մարզեր էլ ուղղել, գյուղական բնակավայրերում տուրիզմը զարգացնել, համայնքների բնակիչների ու զբոսաշրջիկների համար հարմարավետ եւ էկոլոգիապես անվտանգ պայմաններ ստեղծել: Նոր կառավարությունը աղբահանության հավաքագրման հետ կապված էլ նախագծեր ունի, սակայն, դատելով ծրագրում առկա ուղենիշներից, աղբահավաքությունը ռելսերի վրա դնելու կառավարության մտադրությունները մոտ ապագային չեն վերաբերում:
Բայց տուրիզմն ու ներդրումները չեն կարող սպասել, մինչեւ որ աղբահանության ոլորտում կառավարությունը պայմանագրաիրավական դաշտի բարելավման միջոցով հեղափոխական քայլեր ձեռնարկի: Գոնե դեպի գյուղեր տանող ճանապարհների աղբավայրերը պետք է վերացնել: Հսկայական այս աղբանոցը անմիջապես դեպի Արմավիրի Տանձուտ, Արգավանդ, Մարգարա տանող գյուղերի եզրին է: Այսպիսի աղբավայրեր մեր հանրապետության ճանապարհներին շատ կան:
Լուսանկարը` ԼՈՒՍԻՆԵ ԲՈՒԴԱՂՅԱՆԻ
«Առավոտ» օրաթերթ,
09.02.2019
