Ուշագրավ է, որ հանձնաժողովի նիստին մասնակցում էր նաեւ ԲՀԿ–ից Էդուարդ Բաբայանը՝ Գագիկ Ծառուկյանի թիկնազորի պետը: Սակայն նիստից րոպեներ անց նա հեռախոսով խոսելու պատրվակով դուրս եկավ նիստից ու այլեւս չվերադարձավ:
Տարածաշրջանային եւ եվրասիական ինտեգրման հարցերի հանձնաժողովի նիստում այսօր հանձնաժողովի փոխնախագահ ընտրվեց «Իմ քայլը» խմբակցությունից Արմեն Փամբուխչյանը: Այս հանձնաժողովի նախագահը ԲՀԿ–ից Միքայել Մելքումյանն է: Փամբուխչյանը շնորհակալություն հայտնեց ու ասաց, որ այս հանձնաժողովում բազմազան անելիքներ ունեն, լծվելու են ինտեգրացիոն աշխատանքներին, օրենսդրական ներդաշնակեցմանը:
Ուշագրավ է, որ հանձնաժողովի նիստին մասնակցում էր նաեւ ԲՀԿ–ից Էդուարդ Բաբայանը՝ Գագիկ Ծառուկյանի թիկնազորի պետը: Սակայն նիստից րոպեներ անց նա հեռախոսով խոսելու պատրվակով դուրս եկավ նիստից ու այլեւս չվերադարձավ:
Նիստից հետո, երբ Մելքումյանին հարցրեցինք՝ երբ հանձնաժողովի անդամը նիստից անհարկի բացակայում է, նկատողություն է ստանում, իսկ երբ գալիս է, «պտիչկա» է ստանում ու գնում, դա հաշվի չե՞ք առնում՝ Մելքումյանը կատակեց. «Իհարկե, ես հաշվելուց լավ եմ, ամեն ինչ էլ հաշվում եմ»:
Հռիփսիմե ՋԵԲԵՋՅԱՆ
