«Գիտական կոչումը դեռ գիտությամբ զբաղվել չի նշանակում: Ցավոք սրտի, ես դառը փորձ ունեմ: 12 տարի արդեն կառավարությունում աշխատում եմ: Ով նախարար է դառնում, չգիտես ինչպես, հայտնվում է գիտության դոկտորների շարքում, դառնում է գիտության թեկնածու կամ դոկտոր: Ես նրանց գիտնականներ չեմ համարում»,- փետրվարի 7-ին «Արմենպրեսի» մամուլի սրահում հայտարարեց Գիտության պետական կոմիտեի նախագահ Սամվել Հարությունյանը:
Նաեւ մանրամասնեց. «Այն մարդիկ, որոնք ակտիվ աշխատում են գիտության ոլորտում, կարող է եւ աստիճան չունենան: Գիտնականները հենց նրանք են, որոնք սիստեմատիկ հոդվածներ են տպագրում, ելույթներ են ունենում, գիտաժողովների են մասնակցում»:
Գոհար ՀԱԿՈԲՅԱՆ
