Երկուշաբթի օրը ԱԺ Մարդու իրավունքների պաշտպանության եւ հանրային հարցերի հանձնաժողովի անդամները հանդիպում-քննարկում կունենան ՄԻՊ Արման Թաթոյանի հետ, շաբաթվա վերջում նաեւ արդարադատության նախարարի: Եկող շաբաթ կլինի նաեւ այց «Աբովյան» ՔԿՀ`«կանանց գաղութ»: Հանձնաժողովի`այսօր կայացած նիստում, հանձնաժողովի նախագահ Նաիրա Զոհրաբյանն իր գործընկերներին տեղեկացրեց`իրենք ոչ միայն ահազանգերի հետեւից պետք է գնան, այլ նաեւ հարցերը խորհրդարան բերեն եւ լուծումներ տան: Օրինակ, ՔԿՀ-ներում բուժանձնակազմը հանել ՔԿՀ-ի ենթակայությունից, բազմաչարչար հարցին, ի վերջո, ամբողջական լուծում պետք է տրվի, քանզի դատապարտյալի առողջական խնդրի մասին անաչառ տեղեկատվություն ստանալ չի լինում, բոլոր հարցերին բուժանձնակազմի աշխատակիցները պատասխանում են «ՔԿՀ պետի աչքերին նայելով»:
Տիկին Զոհրաբյանն ասաց, որ առաջարկներ կան նաեւ մամուլի հետ կապված: Այս մասով հանրային լսումներ կլինեն: Հիշեցրեց, նաեւ ԵԽԽՎ-ում քննարկվեց սոցիալական մեդիայում ատելության խոսքի կարգավորումը: Նաիրա Զոհրաբյանը դեռ պատրաստ չէ պատասխանել, թե դա ինչպե՞ս պետք է արվի:
Հանձնաժողովի անդամ Թագուհի Թովմասյանն էլ այս առնչությամբ ասաց, որ նախ մամուլի մասին օրենքը պետք է շտկվի, ինչը հնարավորություն կտա նաեւ կայքերին մտնել օրենքի դաշտ, քանի որ այն շատ հին է, եւ կայքերի վրա չի տարածվում:
Պատգամավորն անդրադարձավ նաեւ ՔԿՀ-ում վերջերս մահացած լրագրող Մհեր Եղիազարյանի խնդրին:
Այլ մանրամասները՝ տեսանյութում
Նելլի ԳՐԻԳՈՐՅԱՆ
