Քիչ առաջ «Սասնա ծռեր» խմբի 10 անդամների գործով դատական նիստի ընթացքում նախագահող դատավոր Մեսրոպ Մակյանը որոշեց դատական նիստն անցկացնել դռնփակ՝ բացառությամբ լրատվամիջոցների:
ՀՀ նախկին փոխոստիկանապետ, գեներալ-լեյտենանտ Վարդան Եղիազարյանի հարցաքննության ժամանակ պաշտպանական կողմը հարց հնչեցրեց Վարդան Եղիազարյանին, խմբի անդամներից Սմբատ Բարսեղյանը ինչ-որ բան ասաց: Դա լավ լսելի չէր ապակիներից այն կողմ:
Դրանից հետո նախագահող դատավորը որոշեց, որ նիստն անցնելու է դռնփակ՝ բացառությամբ լրատվամիջոցների: Դատական նիստը հետաձգվեց: Նախագահող դատավորը որոշեց՝ Վարդան Եղիազարյանի հարցաքննությունը կշարունակվի փետրվարի 13-ին՝ ժամը 11.00-ին:
Այս որոշումը լսելով՝ դահլիճում ներկա գտնվողները գոչեցին. «Քո նմաններին Հայաստանում տեղ չկա. բոլորդ հանցագործ եք, դռնփակ չի լինի, մյուս չորեքշաբթի էլ կգանք»:
Տաթև ՀԱՐՈՒԹՅՈՒՆՅԱՆ
