Այսօր կառավարության շենքի մոտ բողոքի ցույց են անում ԵՊՀ գիտաշխատողները: Անցյալ տարվա դեկտեմբերի վերջին կառավարությունը որոշեց, որ հիմնադրամների բազային ֆինանսավորումը պետք է փոփոխվի, ինչի արդյունքում ԵՊՀ-ից 450 աշխատակից ֆինանսավորում չեն ստանալու: Ինչպես այսօր ցույցի ժամանակ Aravot.am-ին պատմեցին գիտաշխատողները, այդ լաբորատորիաների բազային ֆինանսավորումը կառավարությունը դադարեցնում է, որից հետո ֆինանսավորում կստանան միայն մրցույթների միջոցով: Ցուցարարները վստահեցրին, որ իրենց չեն տեղեկացրել, թե ինչ մրցույթ է լինելու, ինչ ընթացակարգով, որեւէ մանրամասներ չեն ներկայացվել: Գիտաշխատողներից մեկն ասաց, որ մինչ նման որոշում կայացնելը պետք է մրցույթի ընթացակարգը մշակվեր, իրենց տեղյակ պահեին եւ նոր որոշում կայացնեին:
Մանրամասն՝ տեսանյութում:
Այսօր կառավարության նիստին կրթության եւ գիտության նախարար Արայիկ Հարությունյանը նոր նախագիծ էր բերել, որով ընդառաջում են գիտաշխատողներին: Կառավարությունն այսօր որոշեց մեկ տարով երկարացնել բազային ֆինանսավորումը՝ մինչեւ մրցույթի պայմանները հստակեցվեն:
Մանրամասն՝ տեսանյութում:
Նելլի ԲԱԲԱՅԱՆ
