Փետրվարի 2-ին Վանաձորի «Թեյնիկ» հակասրճարանում «Հանուն հավասար իրավունքների» կրթական կենտրոն ՀԿ-ի կողմից կազմակերպել էր «Հեղափոխության դեմքերն ու դեպքերը» և արվեստագետ Հռիփսիմե Հովհաննիսյանի «ՄԵՆՔ» խորագրերը կրող ցուցահանդես: Այն հասցրել է արդեն հյուրընկալվել Գյումրիում, Իջևանում, Էջմիածնում, Վեդիում, Մարտունիում, Եղեգնաձորում, և Գորիսում։ Շրջիկ ցուցահանդեսի վերջին կանգառը Լոռու մարզն էր։ Ցուցահանդեսին ներկա գտնվեց նաև Լոռու մարզպետ Անդրեյ Ղուկասյանը:
Ցուցադրվեցին թավշյա հեղափոխության օրերին արված լուսանկարներ, պոստերներ, կարգախոսներ, որոնք, ինչպես նշվեց, հավաքագրվել են բաց հայտարարության միջոցով։
Մարզի ղեկավարն իր խոսքում ողջունեց և կարևորեց նմանատիպ նախաձեռնությունները.
-Ուրախ եմ, որ թավշյա հեղափոխությունն իր արտացոլումն է գտնում նաև լուսանկարչական արվեստում՝ հանրությանը ներկայանալով լուսանկարիչների աչքերով,-ասաց Ա.Ղուկասյանը:
Լոռու մարզպետարան
