Էդուարդ Աղաջանյան. «Վեոլիա Ջուր» կազմակերպության հետ պայմանավորվեցինք իրականացնել պիլոտային մի ծրագիր, որի նպատակն է գործող ցայտաղբյուրների ջրի կորուստը նվազագույնի հասցնել

Խմելու ջրի խնդիրը օրեցօր ավելի ու ավելի արդիական է դառնում ամբողջ աշխարհում։ Բարեբախտաբար, Հայաստանի Հանրապետությունը խմելու ջրի լրջագույն պաշար ունի, որի արժեքը, ցավոք, հաճախ չենք գիտակցում։ Միայն ցայտաղբյուրների օգտագործման արդյունքում մենք տարեկան մոտ 4.3 միլիոն խորանարդ մետր (=4.3 միլիոն տոննա) խմելու ջուր ենք կորցնում։

Այսօր «Վեոլիա Ջուր» կազմակերպության մեր գործընկերների հետ պայմանավորվեցինք իրականացնել պիլոտային մի ծրագիր, որի նպատակն է գործող ցայտաղբյուրների ջրի կորուստը նվազագույնի հասցնել ստորև ներկայացված նկարում արտացոլված փականային համակարգի ներդրման միջոցով։ Ըստ նախնական պայմանավորվածության՝ պիլոտային ծրագրի շրջանակներում կներառվեն Երևանում գործող թվով հարյուր ցայտաղբյուր:

Էդուարդ Աղաջանյան

Վարչապետի աշխատակազմի ղեկավար

https://www.facebook.com/aghajanyan.eduard/posts/2265285093515189?__xts__[0]=68.ARBtCdjNQBbJoLXbys0vDYk62ZE_o8PYz3YVZw-cgRYCKeJ2CUY2JsZYWRu9T5q5RbcRYDrywCX3DOCe2bO_azDFn1p74luC2yJeoeoMSPxWyvkioc8F0_JE6_2iTwLna7Eemx6V1aCjo9NkaHk-ubl9Y4RvB2PB-A9XUMVe6h4GyFLFsuLY-zjrlPO263CzzZegD4uOxjC-Hk5LVjePR7a9QfjfnO-wysAVOFZpOga1AupAYK5swJxbP5qJC7TLr3adBahcwtz1Rs12uTxRBICqSger_ZIgy0xYrIkUCLCo0rpaJZhdIEgsFmJ6ewgJ9fWFWTO1GBD5KnIs0MIZKlNi4ieu&__tn__=-R