Այսօր երկրորդ նախագահ Ռոբերտ Քոչարյանը, ինչպես տեղեկացրել ենք, իր պաշտպաններից մեկի՝ Հայկ Ալումյանի միջոցով լրագրողներին ներկայացրեց մանրամասներ, թե ինչպես է ինքը նկարահանվել Ռոման Բաբայանի Մարտի 1-ի մասին ֆիլմում:
Նա ներկայացրեց, թե ոչ մի կապ չունի Ռոման Բաբայանի հետ, իրեն ասել են, որ այդ ֆիլմում Փաշինյանն ու Տեր-Պետրոսյանն էլ են լինելու, դրա համար համաձայնել է, իսկ Ռոման Բաբայանի հետ ծանոթացել է ինչ-որ միջոցառման ժամանակ;
Մինչդեռ Ռոման Բաբայանի ու Ռոբերտ Քոչարյանի կապն այդպես պատահական չի ձեւավորվել, ինչպես փորձել է ներկայացնել Քոչարյանը: Ռոման Բաբայանը տարիներ շարունակ «Право голоса» կամ «Ձայնի իրավունք» ծրագիրն է վարում «ТВ центр» հեռուստաալիքում: Այդ հեռուստաալիքի բաժնետերերի ցանկը երբ նայում ենք, հասկանում ենք, որ բաժնետեր են հանդիսանում Մոսկվայի գույքի վարչությունը եւ «Промторгцентр»-ը, որը «АФК Система»-ի մաս է: Իսկ Ռոբերտ Քոչարյանը «ԱՖԿ Սիստեմայի» տնօրենների խորհրդի կազմում է:
Այնպես որ Ռոբերտ Քոչարյանը, կարելի է ասել, Ռոման Բաբայանի գործատուն է հանդիսանում:
Հռիփսիմե ՋԵԲԵՋՅԱՆ
