Քիչ առաջ ՀՀ կենտրոնական ընտրական հանձնաժողովը (ԿԸՀ) հունվարի 30-ի նիստի ընթացքում պատգամավորական մանդատ տրամադրեց «Իմ քայլը» դաշինքի տարածքային ցուցակով թիվ 4 ընտրատարածքում առավելագույն ձայներ հավաքած երկրորդ թեկնածուին՝ Վարդան Աթաբեկյանին:
Նշենք, որ մանդատը վայր դրած Վահագն Գրիգորյանը ռեյտինգային ընտրակարգով էր ընտրվել: Նրան ձայների թվով հաջորդում է թիվ 4 ընտրատարածքից ընտրված Վահագն Գրիգորյանը:
Այսօրվա նիստում ՀՀ ԿԸՀ նախագահ Տիգրան Մուկուչյանը տեղեկացրեց՝ ստացվել է ԱԺ նախագահի գրությունը և կցված արձանագրությունը՝ Վահագն Գրիգորյանի պատգամավորական լիազորությունները դադարեցված համարելու մասին: Ուստի սա հիմք է, որպեսզի նույն ընտրատարածքից առավելագույն ձայներ ստացած հաջորդ թեկնածուին՝ Վարդան Աթաբեկյանին տրամադրվի պատգամավորական մանդատը:
Տաթև ՀԱՐՈՒԹՅՈՒՆՅԱՆ
