Վերջին շրջանում համացանցը, հայկական եւ օտարազգի մամուլը պարբերաբար քննարկում է Նաիրա Զոհրաբյանի զարմանալի կերպարանափոխությունը։ Բավականին չոր եւ խիստ սանրվածքով գործիչ Նաիրա Զոհրաբյանը շատ արագ կերպարանափոխվեց նուրբ եւ գեղեցիկ կերպարի, ինչը շարունակվում է քննարկվել սոցիալական մեդիայում։ Շատերին հետաքրքրում էր մեկ հարց` ո՞վ է վերջապես Նաիրա Զոհրաբյանի ոճաբանը եւ ո՞վ է աշխատում նրա նոր կերպարի վրա։ Մեզ հաջողվեց պարզել, որ Նաիրայի ոճաբանը աշխարհում բավականին մեծ համարում ունեցող սիրիահայ դիզայներ եւ մոդելյոր Գեւորգ Շադոյանն է, որի «Վերածնունդից-Անկախություն» հավաքածուն օրերս ցուցադրեց Զոհրաբյանը։
Ի դեպ, Շադոյանը հագուստների հավաքածուներ է պատրաստել նաեւ Սաուդյան Արաբայի արքայադստեր համար։
Առաջիկայում Նաիրա Զոհրաբյանը հանդես կգա նոր հավաքածուով, որը կոչվելու է` «Նեֆերտիտիից-Կլեոպատրա»։
Եվ եթե մեզանում քաղաքական գործիչների եւ ֆեշըն ինդուստրիայի համագործակցությունը նոր երեւույթ է, ապա աշխարհում շատ ընդունված է, որ հայտնի մարդիկ` քաղաքական գործիչներ, մարզիկներ եւ այլն, ակտիվորեն համագործակցում են հայտնի դիզայներների հետ։
