Վերաքննիչ քրեական դատարանն այսօր քննում է ՀՀ երկրորդ նախագահ Ռոբերտ Քոչարյանի պաշտպանների՝ վերջինիս կալանքը երկու ամսով երկարաձգելու մասին առաջին ատյանի դատարանի որոշման դեմ ուղղված բողոքը:
Հիշեցնենք, որ ՀՀ երկրորդ նախագահը Մարտի 1-ի հայտնի քրեական գործի շրջանակում մեղադրվում է ՀՀ սահմանադրական կարգի տապալման համար: Լրագրողների հետ զրույցում անդրադառնալով այդ մեղադրանքին՝ նրա պաշտպաններից Ռուբեն Սահակյանն այն «իրավական տգիտություն» որակեց: «Ես կարծում եմ, որ 2008թ.-ին Լևոն Տեր-Պետրոսյանի ու նրա շրջապատի կողմից է կատարվել սահմանադրական կարգը տապալելու փորձ»,-համոզմունք հայտնեց փաստաբանը:
Ռուբեն Սահակյանը պնդեց. «Հանրապետության նախագահն անձեռնմխելի է, իսկ եթե հակառակն են ասում, ապա դա տգիտություն է»:
Ինչ վերաբերում է 0038 հրամանին, որով զորքը զորանոցային վիճակի է բերվել, Ռուբեն Սահակյանը հիշեցրեց՝ այդպես է արվել, որովհետեւ պաշտպանության երկու փոխնախարարներ, պաշտպանի բնորոշմամբ, մտադիր էին բանակը ներքաշել քաղաքական գործընթացների մեջ:
Այլ մանրամասները՝ տեսանյութում:
https://www.facebook.com/aravot.am/videos/336318883637148/
Լուիզա ՍՈՒՔԻԱՍՅԱՆ
Նախկին փաստաբանների պալատի նախագահ պարոն՝ Սահակյան. ժողովրդին ավելի մատչելի չէ՞ր լինի սկսեիք այն պահից, թե ի՞նչը նախադրյալ հանդիսացավ այս քաշքշուկների: Ինչպես Ռ. Քոչարյանը դարձավ միակ տղամարդը: Ի՞նչու ՀՀ բնակչությունը անկախությունից հետո դարձավ ընչաքաղց և սկսեց վատ ապրել: Եվ ի վերջո աչքակապոցի փոխարեն մի՞թե չի կարելի հակընդեմ հայցերով լուծում գտնել և 2-րդ նախագահին պաշտպանելով բացահայտել ժողովրդի ցավը…