Վերաքննիչ քրեական դատարանը քիչ առաջ հրապարակեց ՀՀ նախկին փոխվարչապետ, անվտանգության խորհրդի նախկին քարտուղար Արմեն Գևորգյանի խափանման միջոցի վերաբերյալ որոշումը։ Հիշեցնենք, որ Արմեն Գևորգյանին կալանավորելու միջնորդությունը մերժելու առաջին ատյանի դատարանի որոշումը վերջերս բողոքարկել էր ՀՀ Դատախազությունը։ Նիստերի դահլիճից դուրս գալով՝ Արմեն Գեւորգյանը հայտարարեց, որ վերաքննիչը մերժել է դատախազության բողոքը, իսկ դա նշանակում է, որ նա չի կալանավորվի։
«Մենք կասկած չունենք արդարադատության հանդեպ, որովհետև առաջին ատյանի դատարանը եւ վերաքննիչ դատարանը կայացրել են արդարացի որոշում։ Իսկ դատախազության շեշտադրումը կայանում էր նրանում, որ կալանավորման հիմք հանդիսացող մեղադրանքները միանշանակ են, ինչի հետ պաշտոնական կողմը համաձայն չէ»,-լրագրողներին ասաց Արմեն Գեւորգյանի շահերի պաշտպան, փաստաբան Էրիկ Ալեքսանյանը։
Հիշեցնենք, որ մարտի մեկի քրեական գործի շրջանակներում Արմեն Գևորգյանը մեղադրվում է արդարադատությանը խոչընդոտելու համար (ըստ ՀՔԾ պետ Սասուն Խաչատրյանի հայտարարության` նա 2008-ին ճնշում է գործադրել ՍԴ դատավորներից մեկի վրա, որպեսզի նա անփոփոխ թողնի նույն թվականի նախագահական ընտրությունների արդյունքները)։ Նրան մեղադրանք է առաջադրված նաեւ փողերի լվացման և խոշոր չափի կաշառք ստանալու համար։
https://www.facebook.com/aravot.am/videos/301138987267478/?__xts__[0]=68.ARB-yh_ijivwycxJ9yEwI-D6ctTpUQ5517RrqB9G21VeDPwnGW_RuJ5ULBcCGjn5cvGc5KgoD8XDR7VIxLQKwj60k5UezvozLIvQsKgLgHkzAL5B51Ev-8XW6mDnIZzJMhf8hsJpzIVCs7BuZhtGBGalH3IbraMqeSj1dB2Qq8uQbnRIrpkNs60np0ZnFYtV7hSikFbpAcMiHx1wGdROgu5Ruimw6HZM1tY9IbLd9VTi-1pW_PSpUmRiJPUfXYCBYIm3hkr3FepPcd4wbR2DMFeEtqu44XTq9sXPbBusYWtFbGxxvQoWEv4IfOdnj_IproDR-xY6lG-HPObtTgQWDEIkYCgNGDXN&__tn__=-R
Լուիզա ՍՈւՔԻԱՍՅԱՆ
