Իսրայելի պաշտպանության նախարարությունը կասեցրել է ավիաշինարարական Aeronautics Defense Systems Ltd ընկերության երեք ավագ պաշտոնյաների արտահանման արտոնագրերը, հաղորդում է The Times of Israel-ը:
Մասնավորապես, խոսքը Aeronautics Defense Systems Ltd. ընկերության մասին է. կասկածներ կան, որ վերջինս 2017թ. իր հաճախորդ Ադրբեջանի պահանջով «մահապարտ-անօդաչուներ» է փորձարկել Հայաստանի զինված ուժերի դեմ ՝ խախտելով Իսրայելի օրենքը:
Երկրի Պաշտպանության նախարարությունից հայտնել են, որ արտոնագրից ժամանակավորապես զրկվել են ընկերության գործադիր տնօրեն Ամոս Մաթանը, նրա տեղակալ Մեյր Ռիզմովիչը, երրորդ աշխատակցի անունը չի հաղորդվում:
«Նրանք չեն կարողանա աշխատել մարքեթինգի կամ պաշտոնական արտահանման ոլորտում արտաքին պաշտոնյաների հետ»,- ասել են ընկերությունից:
Կասեցումն ուժի մեջ կմնա մինչև այդ հարցով դատական որոշման ընդունումը: Դատական գործի մանրամասները խիստ գաղտնի են պահվում:
Պատրաստեց Վիկտորյա ԱՆԴՐԵԱՍՅԱՆԸ
