«Վարորդի ընկեր» հ/կ համահիմնադիր Դավիթ Պեդանյանն այսօր «Պոստ սկրիպտում» մամուլի ակումբում լրագրողների հետ հանդիպմանն անդրադարձավ Արդարադատության նախարարության մշակած օրինագծին, որն առնչվում է ճանապարհային երթեւեկության անվտանգությանը: Դավիթ Պեդանյանի փոխանցմամբ՝ օրինագիծն ուշադրության է արժանի ոչ միայն մեքենայում երեխաներին «քարսիթով» տեղափոխելու կետով, այլեւ մի շարք այլ սահմանումներով, որոնք նախկինում օրենքի ուժ չէին ստացել:
- «Հետիոտնային և հեծանվային արահետ (Հեծանվահետիոտնային արահետ)»՝ երթևեկելի մասից կառուցվածքով առանձնացված ճանապարհի տարր կամ առանձին ճանապարհ՝ նախատեսված հետիոտներից առանձին կամ նրանց հետ համատեղ հեծանվորդների երթևեկության համար:
- «Հեծանվորդների համար գոտի»՝ երթևեկելի մասի մյուս հատվածից հորիզոնական գծանշումով առանձնացված և նշանով նշված երթևեկելի մասի գոտի՝ նախատեսված հեծանիվներով և մոպեդներով երթևեկելու համար:
- «Հիբրիդային ավտոմոբիլ»՝ էներգիայի 2-ից ոչ պակաս տարբեր փոխակերպիչներ (շարժիչներ) ունեցող և տրանսպորտային միջոցը շարժման մեջ դնելու նպատակների համար էներգիայի կուտակման 2 տարբեր համակարգեր ունեցող տրանսպորտային միջոց:
Լուիզա ՍՈՒՔԻԱՍՅԱՆ
