«Լույս» խմբակցության անդամ Անի Խաչատրյանը երեկ քաղաքապետարանից պարզաբանում էր պահանջել՝ ֆեյսբուքյան իր էջում գրելով․
Մենք միամտորեն կարծում ենք, թե հանրապետական մտածողության և գործելաոճի ժամանակաշրջանն այլևս պատմությունն է, որ եկել է իսկապես աշխատելու և համագործակցելու ժամանակը: Համագործակցություն, որն առաջին հերթին հիմնված է փոխադարձ հարգանքի վրա:
Բայց արի ու տես, որ իրականությունը հեռու է մեր պատկերացումներից, և գուցե ավելի տխուր է, քան հանարապետականների ժամանակաշրջանում էր: Նույնիսկ նրանց օրերում նման բան տեղի չի ունեցել, որ ծրագրի քննարկման մասին տեղյակ չպահեն որևէ խմբակցության:
Քաղաքապետ Հայկ Մարությանը բազմիցս պնդել է, թե իր համար բոլոր խմբակցությունները հավասար են…. Կարծես թե հավասարության նշանը դրվել է «Իմ քայլի«» և ԲՀԿ-ի միջև: Քաղաքապետարանը ծրագիր է քննարկում, քննարկմանը ներկա են «Իմ քայլ» և ԲՀԿ խմբակցությունների ավագանու անդամները, իսկ Լույս խմբակցությանը ոչինչ չի ասվել…
Պահանջում եմ պարզաբանում:
Ի պատասխան Երեւանի քաղաքապետի մամլո խոսնակ Հակոբ Կարապետյանը տարածել է հետևյալ պարզաբանումը․
«Եղել է թյուրիմացություն, որը, անշուշտ, կշտկվի։ Նաեւ տեղեկացնում եմ, որ քաղաքապետը նշված քննարկման կազմակերպմամբ, այդ թվում, հասկանալի է, մասնակիցներին հրավերներ ուղարկելու հարցերով չի զբաղվել։ Կարծում եմ, նմանատիպ խնդիրները հանգիստ կարելի է լուծել՝ առանց դրանց նշանակությունը գերագնահատելու»։
https://www.facebook.com/photo.php?fbid=1929568773807022&set=a.504370469660200&type=3&theater
