Փաշ­ին­յա­նի դա­վոս­յան ու­ղերձ­նե­րը

«Գլխավոր մարտահրավերը՝ ժողովրդավարությունը տնտեսապես ամրակայելն է»

Այս տա­րի առա­ջին ան­գամ Հա­յաս­տա­նը Դա­վո­սի հա­մաշ­խար­հա­յին տն­տե­սա­կան հա­մա­ժո­ղո­վում ներ­կա­յաց­րեց վար­չա­պետ Նի­կոլ Փաշ­ին­յա­նը: 1971-ից անց­կաց­վող եւ մի քա­նի օր­վա ըն­թաց­քում աշ­խար­հի քա­ղա­քա­կան ու տն­տե­սա­կան ազ­դե­ցիկ գոր­ծիչ­նե­րի մաս­նակ­ցու­թյամբ դա­վոս­յան հա­մա­ժո­ղո­վը՝ տն­տե­սա­կան ու քա­ղա­քա­կան պայ­մա­նա­վոր­վա­ծու­թյուն­նե­րի ձեռք­բեր­ման կա­րեւ­որ հար­թակ­նե­րից մեկն է, որը Փաշ­ին­յա­նը օգ­տա­գոր­ծեց՝ ու­նե­նա­լով ակ­տիվ շփում­ներ հա­մաշ­խար­հա­յին ճա­նա­չում ու­նե­ցող ըն­կե­րու­թյուն­նե­րի ներ­կա­յա­ցու­ցիչ­նե­րի հետ:

Հուն­վա­րի 23-ին Փաշ­ին­յա­նը հա­մա­ժո­ղո­վի շր­ջա­նա­կում որ­պես բա­նա­խոս մաս­նակ­ցեց՝ «Ձեւ­ա­վո­րե­լով ժո­ղովր­դա­վա­րու­թյան ապա­գան» խո­րագ­րով թե­մա­տիկ քն­նարկ­մա­նը, որում, մաս­նա­վո­րա­պես, ասել է. «Եվ հի­մա մենք մեծ հա­ջո­ղու­թյուն ենք գրան­ցել ժո­ղովր­դա­վա­րու­թյան հար­ցում, բայց մենք նա­եւ մեծ մար­տահ­րա­վեր­ներ ու­նենք, ու ամե­նա­մեծ մար­տահ­րա­վե­րը մեր ժո­ղովր­դա­վա­րու­թյու­նը տն­տե­սա­պես ամ­րապն­դելն է։ Գի­տեք, որ մենք եր­կար ժա­մա­նակ մեծ խն­դիր ու­նե­ինք՝ կապ­ված ընտ­րա­կաշ­առ­քի հետ։ Երբ մար­դիկ իրենց աղ­քա­տու­թյան պատ­ճա­ռով ստիպ­ված էին ընտ­րա­կաշ­առք վերց­նել։ Իհար­կե, հե­ղա­փո­խու­թյու­նը մարդ­կանց ազա­տեց այդ պար­տա­վո­րու­թյու­նից։ Բայց հի­մա մենք պետք է մեր քա­ղա­քա­ցի­նե­րին ավե­լի ու­ժեղ եւ ան­կախ դարձ­նենք տն­տե­սա­կան առու­մով։ Գի­տեք, որ կա փոքր, մի­ջին բիզ­նես, բայց մենք պատ­րաստ­վում ենք ստեղ­ծել նոր կա­տե­գո­րի­ա, ինչ­պի­սին միկ­րո­բիզ­նեսն է եւ ազա­տել նրանց հար­կե­րից՝ հույ­սով, որ կկա­րո­ղա­նանք խրա­խու­սել մեր ժո­ղովր­դին, բա­ցատ­րել մարդ­կանց, որ ոչ մի­այն կա­ռա­վա­րու­թյունն է պա­տաս­խա­նա­տու աղ­քա­տու­թյան հաղ­թա­հար­ման հա­մար, այլ նա­եւ իրենք պետք է ինչ­-որ բան անեն։ Մենք ցան­կա­նում ենք խրա­խու­սել մեր ժո­ղովր­դին, բայց, իհար­կե, նա­եւ ստեղ­ծել իրա­կան հնա­րա­վո­րու­թյուն­ներ՝ պայ­քա­րե­լու սե­փա­կան աղ­քա­տու­թյան դեմ։ Այս­պի­սով, իմ պա­տաս­խանն է, որ մեր գլ­խա­վոր մար­տահ­րա­վե­րը մեր ժո­ղովր­դա­վա­րու­թյու­նը տն­տե­սա­պես ամ­րա­կա­յելն է, եւ մենք հույս ու­նենք ներգ­րա­վել նոր օտա­րերկր­յա ներդ­րում­ներ, որով­հե­տեւ մենք կա­րո­ղա­ցանք պայ­քա­րել կո­ռուպ­ցի­ա­յի դեմ, կա­րո­ղա­ցանք հիմ­նել իրա­կան օրեն­քի պա­հանջ­ներ, եւ մենք պատ­րաստ­վում ենք պար­բե­րա­բար պար­զե­ցում­ներ կա­տա­րել ավե­լի շատ ներդ­րում­ներ գրա­վե­լու նպա­տա­կով»։

Փաս­տը, որ Հա­յաս­տանն առա­ջին ան­գամ մաս­նակ­ցեց Դա­վո­սի հա­մաշ­խար­հա­յին տն­տե­սա­կան հա­մա­ժո­ղո­վին՝ ար­դեն իսկ խիստ դրա­կան է: Առա­վել կա­րեւ­որ է լի­նե­լու, թե ժո­ղովր­դա­վա­րու­թյու­նը տն­տե­սա­պես ամ­րապն­դե­լու ճա­նա­պար­հին գոր­ծող կա­ռա­վա­րու­թյունն ինչ քայ­լեր է ձեռ­նար­կե­լու կար­ճա­ժամ­կետ կտր­ված­քով: Վատ չէր լի­նի, իհար­կե, եթե Փաշ­ին­յանն ար­դեն այս հա­մա­ժո­ղո­վում ներ­կա­յաց­ներ, թե ան­ցած ինն ամիս­նե­րի ըն­թաց­քում իր ղե­կա­վա­րած կա­ռա­վա­րու­թյու­նը կոնկ­րետ ինչ արդ­յունք­ներ է ար­ձա­նագ­րել՝ տն­տե­սա­կան զար­գաց­ման ճա­նա­պար­հին՝ մի­ջին բիզ­նե­սի գոր­ծու­նե­ու­թյա­նը նպաս­տե­լուց, մին­չեւ հա­մա­կար­գա­յին կո­ռուպ­ցի­ան վե­րաց­նե­լու հար­ցում:

Ասել, որ մենք ար­դեն պայ­քա­րել ենք կո­ռուպ­ցի­ա­յի դեմ՝ դա մի­ամ­տու­թյուն է: Կո­ռուպ­ցի­ա­ներն առա­ջա­դեմ պե­տու­թյուն­ներն ամ­բող­ջա­պես դեռ չեն կա­րո­ղա­ցել ար­մա­տա­խիլ անել: Իսկ աղ­քա­տու­թյան հաղ­թա­հար­ման ամե­նա­կարճ ճա­նա­պար­հը փոքր ու մի­ջին բիզ­նե­սի ազա­տու­թյուն­նե­րը, իրա­վունք­նե­րը չսահ­մա­նա­փա­կելն է: Մի­այն այդ մթ­նո­լոր­տը կա­րող է մեր պե­տու­թյա­նը գրա­վիչ դարձ­նել հա­մաշ­խար­հա­յին ճա­նա­չում ու­նե­ցող բրենդ­նե­րի հա­մար եւ այդ դեպ­քում մի­այն մենք կա­րող ենք ակն­կա­լել մեծ ներդ­րում­ներ:

«Բիզնեսի համար ստեղծվել է իրական մրցակցային միջավայր»

Դա­վո­սի հա­մաշ­խար­հա­յին հա­մա­ժո­ղո­վի կայ­քում հրա­պա­րակ­ված ծա­վա­լուն հոդ­վա­ծում Փաշ­ին­յա­նը խո­սել էր հե­ղա­փո­խու­թյան, մար­տահ­րա­վեր­նե­րի եւ ձգ­տում­նե­րի մա­սին: Հա­յաս­տան­յան հա­մա­ժո­ղովր­դա­կան շարժ­ման դր­դա­պատ­ճառ­նե­րի մա­սին նա գրել էր. «1988-ին Հա­յաս­տա­նը եղել է առա­ջին երկր­նե­րից մե­կը, որը խարխ­լել է կո­մու­նիս­տա­կան ռե­ժի­մի հիմ­քե­րը՝ հա­մազ­գա­յին ժո­ղովր­դա­կան շարժ­ման մի­ջո­ցով»: «Երկ­րորդ՝ Հա­յաս­տա­նը դե­պի ծով ելք չու­նե­ցող, սահ­մա­նա­փակ բնա­կան ռե­սուրս­նե­րով ու բարդ աշ­խար­հա­քա­ղա­քա­կան տա­րա­ծաշր­ջա­նում գտն­վող եր­կիր է, որը անվ­տան­գու­թյան լուրջ մար­տահ­րա­վեր­ներ ու­նի»: Մի­ակ ել­քը ժո­ղովր­դա­վա­րու­թյան հաս­տա­տումն էր, իսկ դրան հաս­նե­լը, Փաշ­ին­յա­նի խոս­քե­րով, ժա­մա­նակ ու մտա­ծո­ղու­թյան փո­փո­խու­թյուն էր պա­հան­ջում։ «Առա­ջին քայ­լերն ար­ված են։ Ժո­ղովր­դի ան­նա­խա­դեպ աջակ­ցու­թյամբ Հա­յաս­տա­նի լե­գի­տիմ կա­ռա­վա­րու­թյու­նը հաս­տա­տեց բա­րե­փո­խում­նե­րի հա­վակ­նոտ ծրա­գի­րը՝ կո­ռուպ­ցի­ա­յի դեմ պայ­քար, մե­նաշ­նորհ­նե­րի վե­րա­ցում, տն­տե­սա­կան ու քա­ղա­քա­կան հա­վա­սար մր­ցակ­ցու­թյան ապա­հո­վում, աղ­քա­տու­թյան հաղ­թա­հա­րում, ան­կախ դա­տա­կան հա­մա­կարգ»։ Խո­սե­լով տն­տե­սա­կան ոլոր­տի մա­սին՝ Փաշ­ին­յա­նը հա­վաս­տի­աց­նում է՝ բիզ­նե­սի հա­մար ստեղծ­վել է իրա­կան մր­ցակ­ցա­յին մի­ջա­վայր:

Եզ­րա­փա­կե­լով հոդ­վա­ծը՝ Նի­կոլ Փաշ­ին­յա­նը գրել էր. «Մենք վճ­ռա­կան ենք՝ հաս­նե­լու մեր վերջ­նա­կան նպա­տա­կին՝ ու­նե­նալ կա­յուն, ժո­ղովր­դա­վա­րա­կան եւ տն­տե­սա­պես զար­գա­ցող եր­կիր` հիմն­ված օրեն­քի գե­րա­կա­յու­թյան եւ հաշ­վե­տու կա­ռա­վար­ման սկզ­բունք­նե­րի վրա: Մենք ձա­խող­վե­լու իրա­վունք չու­նենք: Մենք պար­տա­վոր ենք ար­դա­րաց­նել մեր ժո­ղովր­դի վս­տա­հու­թյու­նը եւ պաշտ­պա­նել ժո­ղովր­դա­վա­րու­թյու­նը»։

«Ակն­կա­լում ենք ԵՄ­-ի աջակ­ցու­թյու­նը»

Հա­յաս­տա­նի հա­մար ամե­նա­կա­րեւ­որ բա­րե­փո­խում­նե­րը կապ­ված են տն­տե­սու­թյան հետ, քա­նի որ այժմ մենք պետք է քա­ղա­քա­կան հե­ղա­փո­խու­թյու­նը վե­րա­ծենք տն­տե­սա­կա­նի, Euronews-ի հետ զրույ­ցում նշել է Փաշ­ին­յա­նը: «Դրա հա­մար մենք պատ­րաստ­վում ենք պար­զեց­նել կար­գա­վո­րում­նե­րը, որ­պես­զի Հա­յաս­տա­նում հեշ­տա­նա ցան­կա­ցած բիզ­նես գոր­ծու­նե­ու­թյուն: Մյու­սը հար­կա­յին օրենսգր­քի փո­փո­խու­թյունն է. մենք պատ­րաստ­վում ենք Հա­յաս­տա­նում նվա­զեց­նել եկամ­տա­հար­կի եւ շա­հու­թա­հար­կի մա­կար­դա­կը՝ հայ­կա­կան բիզ­նես մի­ջա­վայ­րը եւ ներդ­րու­մա­յին մի­ջա­վայ­րը ներդ­րում­նե­րի հա­մար ավե­լի գրա­վիչ դարձ­նե­լու: Եր­րորդ, խրա­խու­սել աղ­քատ­նե­րին, ինչ­-որ բան անել՝ հաղ­թա­հա­րե­լու աղ­քա­տու­թյու­նը Հա­յաս­տա­նում: Եվ այժմ մենք պատ­րաստ­վում ենք ստեղ­ծել նոր սեկ­տոր տն­տե­սու­թյան մեջ. դուք գի­տեք՝ գո­յու­թյուն ու­նի փոքր բիզ­նես, մի­ջին բիզ­նես, եւ մենք պատ­րաստ­վում ենք ստեղ­ծել իրա­վա­կա­նո­րեն նոր սեկ­տոր՝ միկ­րո­բիզ­նես, եւ այդ բիզ­նեսն ազա­տել բո­լոր հար­կե­րից: Այդ ճա­նա­պար­հով մենք պատ­րաստ­վում ենք խրա­խու­սել մեր մարդ­կանց՝ քայ­լեր ձեռ­նար­կել՝ սկ­սե­լու որոշ­ա­կի բիզ­նես գոր­ծու­նե­ու­թյուն եւ օգ­նե­լու կա­ռա­վա­րու­թյա­նը հաղ­թա­հա­րել աղ­քա­տու­թյու­նը, որն ամե­նա­մեծ խն­դիրն է Հա­յաս­տա­նում»,- ասել է Փաշ­ին­յա­նը:

Նա նշել է, որ Հա­մա­պար­փակ եւ խո­րը հա­մա­գոր­ծակ­ցու­թյան հա­մա­ձայ­նա­գիր ու­նենք ԵՄ­-ի հետ, եւ ՀՀ-ն պատ­րաստ­վում է իրա­կա­նաց­նել այդ հա­մա­ձայ­նա­գի­րը եւս: «Այս հա­մա­ձայ­նա­գի­րը Հա­յաս­տա­նում սո­ցի­ա­լա­կան եւ քա­ղա­քա­կան կյան­քի բա­րե­լավ­ման մա­սին է, եւ մենք Հա­մա­պար­փակ եւ ընդ­լայն­ված գոր­ծու­նե­ու­թյան հա­մա­ձայ­նագ­րի, ԵՄ­-ի հետ հա­մա­գոր­ծակ­ցու­թյան օգ­նու­թյամբ պետք է ու­ժե­ղաց­նենք հայ­կա­կան ժո­ղովր­դա­վա­րու­թյու­նը ինս­տի­տու­ցի­ո­նալ առու­մով: Այժմ հայ ժո­ղո­վուր­դը, Հա­յաս­տա­նի քա­ղա­քա­ցի­նե­րը ոգեւ­ո­րած են Հա­յաս­տա­նում տե­ղի ու­նե­ցած ժո­ղովր­դա­վա­րա­կան հե­ղա­փո­խու­թյամբ, բայց մենք պետք է ամ­րապն­դենք ժո­ղովր­դա­վա­րու­թյու­նը ինս­տի­տու­ցի­ո­նալ առու­մով, եւ մենք ակն­կա­լում ենք ԵՄ­-ի աջակ­ցու­թյու­նը այդ հար­ցում»,- ասել է Փաշ­ին­յա­նը՝ հա­վե­լե­լով, որ հենց այդ առու­մով հա­մա­ձայ­նա­գի­րը կա­րեւ­որ առաջ­նա­հեր­թու­թյուն ու­նի Հա­յաս­տա­նի հա­մար:

«Հայաստանը պետք է շարունակի իր զարգացման առաջընթաց ուղին»

Մին­չեւ Դա­վոս մեկ­նե­լը հուն­վա­րի 21-ին Նի­կոլ Փաշ­ին­յա­նը Ցյու­րի­խում աշ­խա­տան­քա­յին ճաշ էր ու­նե­ցել Շվեյ­ցա­րի­ա-­Հա­յաս­տան առեւտ­րա­յին պա­լա­տի ներ­կա­յա­ցու­ցիչ­նե­րի եւ շվեյ­ցա­րա­ցի գոր­ծա­րար­նե­րի հետ: Հան­դիպ­մա­նը ներ­կա էր գտն­վել նա­եւ Շվեյ­ցա­րի­ա­յի Ազ­գա­յին խորհր­դի նախ­կին նա­խա­գահ Դո­մի­նիկ դե Բու­մա­նը: Փաշ­ին­յա­նը հան­դես էր եկել ելույ­թով:

Փաշ­ին­յա­նը, մաս­նա­վո­րա­պես, նշել էր, որ Հա­յաս­տա­նը կանգ­նած է տն­տե­սա­կան բար­գա­վա­ճումն ու լճա­ցու­մը բա­ժա­նող խաչ­մե­րու­կում: «Այ­սօր մեր կա­ռա­վա­րու­թյունն ան­նա­խա­դեպ բարձր լե­գի­տի­մու­թյուն եւ հան­րա­յին աջակ­ցու­թյուն ու­նի: Այս­պի­սի բարձր հան­րա­յին վս­տա­հու­թյան հի­ման վրա Հա­յաս­տա­նի կա­ռա­վա­րու­թյունն ըն­դու­նել է հա­վակ­նոտ բա­րե­փո­խում­նե­րի օրա­կարգ: Որ­պես արդ­յունք, Հա­յաս­տա­նում իրա­վի­ճա­կը, ըստ էու­թյան, տար­բեր­վում է նրա­նից, որ մենք ու­նե­ինք հե­ղա­փո­խու­թյու­նից առաջ: Մաս­նա­վո­րա­պես, կո­ռուպ­ցի­ա­յի մա­կար­դա­կը կտ­րուկ նվա­զել է. մենք գրե­թե մեր­ժել ենք մե­նաշ­նորհ­նե­րը. շատ լուրջ մի­ջոց­ներ են ձեռ­նարկ­վել ան­կախ դա­տա­կան հա­մա­կար­գի ամ­րապնդ­ման, իրա­վուն­քի գե­րա­կա­յու­թյան եւ բո­լոր տն­տե­սա­կան ու քա­ղա­քա­կան դե­րա­կա­տար­նե­րի հա­մար խա­ղի հա­վա­սար կա­նոն­նե­րի ստեղծ­ման հա­մար: Չնա­յած կա­րեւ­որ ոլորտ­նե­րում ար­ձա­նագր­ված նշա­նա­կա­լի առա­ջըն­թա­ցին, ինչ­պի­սիք են շու­կա­յի մր­ցու­նա­կու­թյան ապա­հո­վու­մը եւ պե­տա­կան հատ­վա­ծում կո­ռուպ­ցի­ա­յի վե­րա­ցու­մը, դե­ռեւս մեծ աշ­խա­տանք ու­նենք անե­լու: Այ­սօր մենք պետք է կա­տա­րենք մեկ այլ հե­ղա­փո­խու­թյուն` տն­տե­սա­կան հե­ղա­փո­խու­թյուն, մեր ժո­ղովր­դի վս­տա­հու­թյու­նը եւ ակն­կա­լիք­ներն ար­դա­րաց­նե­լու հա­մար»:

Փաշ­ին­յա­նը հա­վե­լել էր, որ ՀՆԱ-­ի աճը վեր­ջին տա­րի­նե­րին խոս­տում­նա­լից էր. 2017թ. ար­ձա­նագր­ված 7.5 տո­կոս աճը պահ­պան­վել է 2018 թ. ըն­թաց­քում, իսկ կան­խա­տե­սում­նե­րը գե­րա­զան­ցում են 5 տո­կո­սը, Հա­յաս­տա­նի ար­ժույ­թի փո­խար­ժե­քը եւ գնա­ճը մնա­ցին կա­յուն, դրա­նով իսկ ի ցույց դր­վեց մեր տն­տե­սու­թյան կա­յու­նու­թյունն ար­տա­քին եւ ներ­քին ցն­ցում­նե­րի նկատ­մամբ: 2017թ. ՀՆԱ-­ար­տա­հա­նում հա­րա­բե­րակ­ցու­թյունն ան­ցավ 37 տո­կո­սի շե­մը եւ 2018-ին՝ «շա­րու­նակ­վեց ռե­կոր­դա­յին ցու­ցա­նիշ­նե­րով»: Այ­նու­ա­մե­նայ­նիվ, նա հա­վե­լեց, որ՝ «խոս­տում­նա­լից մի­տում­նե­րը չեն կա­րող բա­վա­րար լի­նել, եթե ցան­կա­նում ենք ապա­հո­վել Հա­յաս­տա­նի ար­ժա­նա­պա­տիվ տե­ղը հա­մաշ­խար­հա­յին տն­տե­սու­թյու­նում»:

Նա հա­մա­րում է, որ մեր ապա­գա աճի անկ­յու­նա­քա­րը կլի­նի ներդ­րու­մա­յին քա­ղա­քա­կա­նու­թյու­նը՝ ուղղ­ված արդ­յու­նա­վետ աշ­խա­տա­տե­ղե­րի ստեղծ­մանն ու մր­ցու­նակ ար­տա­հան­մա­նը. «Վեր­ջին հե­տա­զո­տու­թյուն­նե­րը ցույց են տվել, որ հայ ժո­ղո­վուր­դը ցան­կա­նում է ավե­լի շատ աշ­խա­տանք եւ ավե­լի քիչ կո­ռուպ­ցի­ա: Արդ­յունք­նե­րը կա­րե­լի է մեկ­նա­բա­նել հե­տեւ­յալ կերպ. Հա­յաս­տա­նի քա­ղա­քա­ցի­ներն այ­լեւս չեն ցան­կա­նում եկա­մուտ­նե­րի վե­րա­բաշ­խում, նրանք հոգ­նել են ար­դեն: Հա­յերն ու­զում են տես­նել մեր հայ­րե­նի­քի տն­տե­սա­կան աճն ու բար­գա­վա­ճու­մը, վաս­տա­կե­լու եւ հարկ վճա­րե­լու իրենց ու­նա­կու­թյունն ու հնա­րա­վո­րու­թյու­նը»:

Փաշ­ին­յա­նը հատ­նեց, որ Հա­յաս­տա­նի կա­ռա­վա­րու­թյու­նը որ­դեգ­րել է. «ա. Բաց դռ­նե­րի քա­ղա­քա­կա­նու­թյուն օտա­րերկր­յա ներդ­րող­նե­րի նկատ­մամբ. մեր քա­ղա­քա­կա­նու­թյան նշա­նա­բանն է՝ հարս­տա­նալ եւ հարս­տաց­նել: բ. Ներդ­րող­նե­րի կամ­քի եւ կա­րիք­նե­րի վրա հիմն­ված հար­կա­յին օրենս­գիրք, գ. Ար­տա­հան­ման եւ արդ­յու­նա­բե­րա­կան ար­դի­ա­կա­նաց­ման աջակ­ցու­թյան այն­պի­սի մե­խա­նիզմ­ներ, ինչ­պի­սիք են հար­կա­յին ու մաք­սա­յին խթան­նե­րը. դ. Քա­ղա­քա­կա­նու­թյուն, որը կա­պա­հո­վի բիզ­նե­սի հա­մար անա­չառ եւ նվազ սահ­մա­նա­փա­կում­նե­րով կար­գա­վո­րիչ մի­ջա­վայր: ե. Մենք ապա­հո­վել ենք, որ մեր երկ­րում գոր­ծող տն­տե­սա­կան գոր­ծա­կալ­նե­րին հա­սա­նե­լի լի­նեն աշ­խար­հի շու­կա­նե­րը: (Հա­յաս­տա­նը Եվ­րա­սի­ա­կան տն­տե­սա­կան մի­ու­թյան ան­դամ է եւ GSP-ի շա­հա­ռու (մի շարք երկր­նե­րի հետ, նե­րառ­յալ Շվեյ­ցա­րի­ան) եւ GSP+ (ԵՄ­-ի հետ): զ. Եվ, իհար­կե, մենք երաշ­խա­վո­րում ենք կա­պի­տա­լի ազատ տե­ղաշ­արժն ու սե­փա­կա­նու­թյան իրա­վուն­քի պաշտ­պա­նու­թյու­նը (նե­րառ­յալ մտա­վոր սե­փա­կա­նու­թյան)»:

Ներ­կա­յաց­նե­լով կա­ռա­վա­րու­թյան գե­րա­կա­յու­թյուն­ներն ըստ ոլորտ­նե­րի՝ Փաշ­ին­յանն ար­ձա­նագ­րեց, որ հռ­չա­կած նպա­տակ­նե­րին կա­րող ենք հաս­նել մի­այն կա­ռա­վա­րու­թյան եւ Հա­յաս­տա­նի ներ­սում ու դրա­նից դուրս գտն­վող մեր մաս­նա­վոր եւ հան­րա­յին գոր­ծըն­կեր­նե­րի հա­մա­կարգ­ված ջան­քե­րի շնոր­հիվ: «Մի­ակ ան­սա­կար­կե­լի պայ­մանն այն է, որ Հա­յաս­տա­նը պետք է շա­րու­նա­կի իր զար­գաց­ման առա­ջըն­թաց ու­ղին: Մենք ու­նենք նե­րուժ, մենք ու­նենք հնա­րա­վո­րու­թյուն­ներ եւ ու­նենք քա­ղա­քա­կան կամք տա­րա­ծաշր­ջա­նա­յին եւ գլո­բալ տն­տե­սա­կան խա­ղա­ցող դառ­նա­լու հա­մար: Խն­դիրն այն է, թե արդ­յոք դուք պատ­րաստ եք մի­ա­նալ մեզ եւ ըն­կե­րակ­ցել մեզ այս հե­տաքր­քիր, բայց ոչ դյու­րին ճա­նա­պար­հին: Եթե պատ­րաստ եք ձեր քայ­լը կա­տա­րել, եկե՛ք Հա­յաս­տան, հարս­տա­ցե՛ք եւ հարս­տաց­րե՛ք ու­րիշ­նե­րին»:

ԷՄ­ՄԱ ԳԱԲ­ՐԻ­ԵԼ­ՅԱՆ

«Առավոտ» օրաթերթ,  25.01.2019