Քիչ առաջ Արմավիրի քաղաքապետարանի ավագանին գեներալ Մանվել Գրիգորյանին զրկեց Արմավիր քաղաքի պատվավոր քաղաքացու կոչումից:
Այսօր կայացած քաղաքապետարանի ավագանու նիստում որոշման նախագիծը ներկայացվեց, քննարկում չեղավ. ավագանու անդամներից ոչ ոք կարծիք չբարձրաձայնեց:
Իրենց դիրքորոշումը նրանք արտահայտեցին քվեարկությամբ՝ ավագանին միաձայն քվեարկեց Մանվել Գրիգորյանին Արմավիր քաղաքի պատվավոր քաղաքացու կոչումից զրկելու օգտին:
Նելլի ԳՐԻԳՈՐՅԱՆ
Ցավոք, այս փաստը ևս խոսում է այն մասին, որ մեր հայկական հսարակությունը հիվանդ է։ Ժոովրդական խոսք կա՝ Եզը երբ ընկնում է, դանակավորները շատանում են։
Այդ մարդու մասին բոլորս ունենք մեր կարծիքը, մեծամասամբ՝ ոչ դրական (մեղմ ասած), բայց ինչպես ցանկացած մարդ, նա ունի ընտանիք, երեխաներ, թոռներ, հարազատներ, որոնց ցավ կպատճառի այն ամենը, ինչ կապված է նրա՝ այս վերջին ժամանակներում կատարվող իրադարձությունների հետ։
Ես կցանկանայի, որ մենք բոլորս մի քիչ ավելի զուսպ լինեինք և մեզ թույլ չտայինք այնպիսի տգեղ արարքներ, ինչպիսին էր այն բուռն ուրախությունը, երբ այդ մարդուն նորից որոշեցին բանտ տանել։
Սթափվե՛ք, սիրելի հայրենակիցներ, ամենավատ մարդն էլ կարեկցանքի և պաշտպանության իրավունք ունի։