Պետական եկամուտների կոմիտեի նախագահ Դավիթ Անանյանը այսօր կառավարության նիստից հետո լրագրողների հետ ճեպազրույցում անդրադարձավ աշխատակիցների «աստղաբաշխական» պարգեւատրումներին: Ըստ մամուլի հրապարակումների՝ ՊԵԿ նախագահը պարգեւատրել է իրեն 8 մլն դրամից ավելի, տեղակալին՝ 9 մլն դրամից ավելի, խորհրդականին մոտ 3 մլն եւ այլն: Այս առնչությամբ ՊԵԿ-ը պարզաբանում է տարածել:
Ըստ այդմ՝ 9 կամ 8 մլն դրամ պարգեւավճարի մեջ ներառվում են նոյեմբեր եւ դեկտեմբեր ամիսների աշխատավարձերը, հավելավճարներ եւ նոյեմբեր ու դեկտեմբեր ամիսների պարգեւավճարներ:
Այսօր լրագրողների հետ զրույցում Անանյանը վստահեցրեց, որ մեկ ամսվա պարգեւավճարների առավելագույն չափը 1,5 մլն դրամ է: Թե որքան է ինքն իրեն պարգեւատրել եւ ովքեր են պարգեւատրվել՝ չասաց: Վստահեցրեց՝ պարգեւավճարներ են ստացել բոլորը:
Մանրամասները՝ տեսանյութում:
Նելլի ԲԱԲԱՅԱՆ
