«Նուբարաշեն» քրեակատարողական հիմնարկի նյարդաբույժին ուղարկել էին խուց՝ խոշտանգված կալանավորի վնասվածքները գրանցելու

«Նու­բա­րաշ­են» քրե­ա­կա­տա­րո­ղա­կան հիմ­նար­կում բուժ­մա­սի բժիշկ­նե­րի աշ­խա­տան­քը սկս­վում է առա­վոտ­յան ժա­մը 9-ին եւ ավարտ­վում  18.00-ին:

Դրա­նից հե­տո «հաս­տիք» չկա, որ­պես­զի կա­լա­նա­վո­րին անհ­րա­ժեշ­տու­թյան դեպ­քում բու­ժօգ­նու­թյուն ցու­ցաբեր­վի: Եթե, իհար­կե, ար­յու­նա­հո­սու­թյուն, կոտր­վածք, ծանր դեպ­քեր չգ­րանց­վեն: Երեկ այդ մա­սին որ­պես վկա հար­ցաքնն­ված նյար­դա­բույժ Ման­վել Նա­նա­յանն ասաց Երեւ­ա­նի ընդ­հա­նուր իրա­վա­սու­թյան դա­տա­րա­նում՝ Շեն­գա­վի­թի նս­տա­վայ­րում, ուր դա­տա­վոր Դա­վիթ Բա­լա­յա­նի նա­խա­գա­հու­թյամբ շա­րու­նակ­վեց ար­դա­րա­դա­տու­թյան նա­խա­րա­րու­թյան «Նու­բա­րաշ­են» ՔԿՀ­-ում տե­ղի ու­նե­ցած խոշ­տանգ­ման գոր­ծով մա­յոր Ար­մեն Հով­հան­նիս­յա­նի վե­րա­բեր­յալ քրե­ա­կան գոր­ծով դա­տա­կան նիս­տը:

Կա­լա­նա­վոր Ար­մեն Աղա­ջան­յա­նը խոշ­տանգ­վել էր, երբ ոս­տի­կա­նու­թյան բաժ­նից տե­ղա­փոխ­վել էր քրե­ա­կա­տա­րո­ղա­կան հիմ­նարկ, աղի­նե­րը պար­կով մարմ­նին կախ, եւ չբա­րեւ­ե­լու, մի դեպ­քում՝ ՔԿՀ աշ­խա­տա­կից­նե­րին հայ­հո­յե­լու պատ­ճա­ռով վայրկ­յան­ներ հե­տո:
Վկա բժիշ­կը տե­սել էր եր­կու այ­տոսկ­րե­րի վար­դա­գույն երանգ­նե­րը, ար­յու­նա­զե­ղում­նե­րը, կա­լա­նա­վորն ասել էր, թե խն­դիր չու­նի բժշ­կի դեմ, ցույց էր տվել մարմ­նի վրա­յի պար­կը, եւ ասել, թե կա­րող ես օգ­նել, դա է մի­այն:

Սկզ­բում բժիշկն ասաց, թե խու­ցը բաց էր, երբ գնա­ցել էր զն­նե­լու, ապա հայտ­նեց, թե հեր­թա­փո­խի պե­տը՝ Յու­րան  ասել է, թե բժիշկ չկա,  կա­լա­նա­վո­րի վրա ուժ են գոր­ծադ­րել,  գնա, նա­յի, եւ դու­ռը բա­ցել է հս­կի­չը: Հե­տո, երբ դա­տա­խա­զը հարց­րեց, գի­տեր այս դեպ­քի մա­սին, նա ասաց, թե լսել է քն­նի­չից:

Նյար­դա­բույժն ասաց, թե նախ­կի­նում էլ ճա­նա­չել է տու­ժո­ղին, նա ու­նե­ցել է հո­գե­կան առող­ջու­թյան հետ կապ­ված խն­դիր­ներ, ճա­նա­չել է նա­եւ ամ­բաս­տան­վող սպա­յին, որ­պես զուսպ անձ­նա­վո­րու­թյան: Բժիշկն ար­ձա­նագ­րել էր, որ կա­լա­նա­վո­րը հրա­ժար­վել է, որ իրեն զն­նի: Հար­ցին, թե ինչ­պի­սին էր հո­գե­վի­ճա­կը, բժիշ­կը պա­տաս­խա­նեց. «Իմ նկատ­մամբ ագ­րե­սիվ չէր, բայց զայ­րա­ցած էր»: Նա իր նկա­տածն ու գրա­ռա­ծը հայտ­նել էր ծա­ռա­յու­թյան եւ հեր­թա­փո­խի պե­տե­րին:

Ի դեպ, նա­խորդ դա­տա­կան նիս­տի ավար­տին պարզ­վել էր, որ վկա­նե­րից եր­կու­սը, մաս­նա­վո­րա­պես՝ բժիշ­կը ներ­կա է գտն­վել դա­տա­կան նիս­տին եւ լսել են նա­խորդ վկա­յին՝ Հով­հան­նես Թով­մաս­յա­նին: Դիր­քո­րոշ­ում ար­տա­հայ­տե­լով, դա­տա­խազն ասաց, թե դա­տա­րան ներ­կա­յա­ցած եր­կու վկա­նե­րի ցուց­մունք­նե­րի վրա չեն կա­րող ազ­դել, քա­նի որ մե­կը եղել է դեպ­քի հա­ջորդ օրը, իսկ նա­խորդ վկան էլ կա­րող էր նույն դա­տա­կան նիս­տի մա­սին իմա­նալ լրատ­վա­մի­ջոց­նե­րից:

Դա­տա­վոր Բա­լա­յանն էլ նկա­տեց, որ կու­նե­նանք  երեւ­ի մի այն­պի­սի դա­տա­րան, որ­տեղ դա­տա­խազն այլ տե­ղով կմտ­նի, վկա­նե­րը այլ սեն­յա­կում առանձ­նաց­ված կլի­նեն:

Դա­տա­րա­նին դի­մել էր տու­ժո­ղի իրա­վա­հա­ջորդ Արա Ղա­րագ­յոզ­յա­նը՝ «Ընդ­դեմ իրա­վա­կան կա­մա­յա­կա­նու­թյան» իրա­վա­պաշտ­պան կազ­մա­կեր­պու­թյան փաս­տա­բա­նը: Նա ասել էր, որ նա­խորդ նիս­տից հե­տո պաշտ­պան Ղա­զա­րո­վան՝ նախ­կի­նում դա­տա­խազ, ճն­շում է գոր­ծադ­րել վկա­նե­րի, այդ թվում՝ դա­տա­րան ներ­կա­յա­ցած վկա­նե­րի վրա, եւ որ մաս­նա­գի­տա­կան էթի­կան թույլ չի տվել տե­սան­կա­րա­հա­նել, սա­կայն դա­տա­խա­զը տե­սել է:

Դա­տա­խազն իր հեր­թին «սա­հուն» հրա­ժար­վեց, հայտ­նե­լով, թե ճն­շում տես­նե­լու դեպ­քում հա­մար­ժեք գոր­ծո­ղու­թյուն­նե­րի կա­րող էր դի­մել, իսկ Ղա­զա­րո­վան էլ ասաց, թե «դա­տա­րա­նի դի­մաց ին­քը թրեյ­նիգ­ներ» չէր կա­րող անց­կաց­նել, եթե նման մտադ­րու­թյուն լի­ներ, այլ վայ­րում կա­րող էր անել:

Հիշ­եց­նեմ, որ  2018թ. մար­տի 15-ին Ար­մեն Հով­հան­նիս­յա­նը եղել է ԱՆ «Նու­բա­րաշ­են» քրե­ա­կա­տա­րո­ղա­կան հիմ­նար­կի հեր­թա­պահ խմ­բում եւ ծա­ռա­յու­թյուն է իրա­կա­նաց­րել բնա­կե­լի գո­տում: Ժա­մը 17:00-ին ոս­տի­կա­նու­թյան Եղեգ­նա­ձո­րի բաժ­նի աշ­խա­տա­կից­նե­րի կող­մից բեր­ման է են­թարկ­վել ՀՀ ՔԿ Երեւ­ան քա­ղա­քի քնն­չա­կան վար­չու­թյան Շեն­գա­վիթ վար­չա­կան շր­ջա­նի քնն­չա­կան բաժ­նի վա­րույ­թում քնն­վող քրե­ա­կան գոր­ծով, որ­պես մե­ղադր­յալ ներգ­րավ­ված, հե­տա­խուզ­ման մեջ գտն­վող Ար­մեն Աղա­ջան­յա­նը, որը մար­տի 15-ի լույս 16-ի գիշ­ե­րը ՀՀ ոս­տի­կա­նու­թյան Շեն­գա­վի­թի բաժ­նի քրե­ա­կան հե­տա­խու­զու­թյան բա­ժան­մուն­քի օպեր­լի­ա­զոր Անուշ­ա­վան Նի­կո­ղոս­յա­նի եւ նշ­ված բաժ­նի եւս եր­կու աշ­խա­տա­կից­նե­րի ու­ղեկ­ցու­թյամբ տե­ղա­փոխ­վել է քրե­ա­կա­տա­րո­ղա­կան հիմ­նարկ: Մուտք գոր­ծե­լիս՝ մար­տի 16-ին՝ ժա­մը 00:35-ին, Ար­մեն Աղա­ջան­յա­նին ըն­դու­նել է Ար­մեն Հով­հան­նիս­յա­նը: Ըստ գոր­ծի նյու­թե­րի. «Չբա­րեւ­ե­լու հա­մար Ար­մեն Հով­հան­նիս­յա­նը դի­տո­ղու­թյուն է արել Ար­մեն Աղա­ջան­յա­նին՝ պա­հան­ջե­լով իրեն կար­գի հրա­վի­րել եւ հայ­հո­յանք­ներ չտալ՝ զգուշ­աց­նե­լով, որ շա­րու­նա­կե­լու դեպ­քում կտե­ղա­փո­խի պատ­ժա­խուց, ին­չին Ար­մե­նը հայ­հո­յանք տա­լով պա­տաս­խա­նել է՝ «չկա մե­կը, ով կա­րող է իրեն տա­նել պատ­ժա­խուց»: Ար­մեն Հով­հան­նիս­յանն Ար­մեն Աղա­ջան­յա­նին ու­ղեկ­ցել է հիմ­նար­կի հա­վա­քա­կա­յա­նում գտն­վող խու­զար­կու­թյան կա­տար­ման հա­մար նա­խա­տես­ված սեն­յակ, ուր ՔԿՀ­-ի դե­ռեւս չպարզ­ված մի խումբ ծա­ռա­յող­նե­րի հետ, փոխգն­դա­պե­տի, ձեռ­քե­րով ու ոտ­քե­րով հար­ված­ներ են հասց­րել Ար­մե­նին: Ի դեպ, նրան պատ­ճառ­վել է առող­ջու­թյա­նը թե­թեւ վնա­սի հատ­կա­նիշ­ներ չպա­րու­նա­կող՝ աջ եւ ձախ այ­տա­յին շր­ջան­նե­րի, ձախ սրուն­քի շր­ջան­նե­րի քերծ­վածք­նե­րի, վե­րին շր­թուն­քի շր­ջա­նի սալ­ջարդ, վեր­քի ձեւ­ով մարմ­նա­կան վնաս­վածք­ներ»:

ՌՈՒ­ԶԱՆ ՄԻ­ՆԱՍ­ՅԱՆ

Հ.Գ.– Ար­մե­նի մայ­րը մեր այն հար­ցին, թե որ­դու ինք­նաս­պա­նու­թյան փաս­տի առ­թիվ հա­րուց­ված քրե­ա­կան գործն ինչ փու­լում է, ասաց, դեռ նա­խաքն­նու­թյու­նը  շա­րու­նակ­վում է, որոշ ապա­ցույց­նե­րի հա­մադ­րու­մից եզ­րա­կաց­նում է, որ 31-ամ­յա որ­դուն սպա­նել են:

«Առավոտ» օրաթերթ, 

23.01.2019