«Ժողովրդին» հասած տեղեկությունների համաձայն՝ ՀՔԾ-Ն արդեն սկսել է հարցաքննության հրավիրել մարտի 1-ի իրադարձությունների կիզակետում հայտնված եւ տասը տարի առաջ այդ իրադարձությունները լուսաբանած զանգվածային լրատվամիջոցների ներկայացուցիչներին։
Որոշ հայտնի լրատվամիջոցների ներկայացուցիչներ վկայի կարգավիճակով են հրավիրվել Հատուկ քննչական ծառայություն։
Մասնավորապես, ՀՔԾ քննիչները հետաքրքրվում են, թե նկարահանումները որտեղ են իրականացրել, ինչ տեսախցիկով, ինչին ի պատասխան՝ ԶԼՄ ներկայացուցիչը աղոտ ներկայացրել է, թե որտեղ է գտնվել, ինչ են արձանագրել։
«Ժողովուրդ» օրաթերթին հասած տեղեկությունների համաձայն՝ ԶԼՄ ներկայացուցիչներից պատմել են, թե ինչպես են նկարահանել Մաշտոցի պողոտայում կրակոցների տակ մեքենաներով վիրավոր անձանց տեղափոխելու դրվագները։
Մեկ այլ ԶԼՄ ներկայացուցիչ պատմել է այն մասին, թե ինչպես է Մաշտոցի պողոտայի կամրջի հատվածում մարդու ծնոտ, կոտրված ատամներ, լյարդացած արյուն տեսել եւ նկարահանել իրավիճակը։ Ավելին, պատմել է, որ իր բացառիկ տեսանյութում առկա է եղել մեկ այլ կարեւոր հանգամանք, որ ինչպես է մի քաղաքացի ծնոտի միջից հանում պարկուճները, պահում տեսախցիկի առաջ ու ասում. «Նկարե՛ք՝ ինչպես սնայպերով աչքիս առաջ մարդու գլուխը ցրիվ տվին»։
Ի դեպ, ԶԼՄ Ներկայացուցիչներից ոմանք շատ դեպքեր չեն հիշել իրենց նկարահանման ընթացքից՝ հայտնելով որ երկար տարիներ են անցել, չեն հիշում շատ դրվագներ։
Քնար ՄԱՆՈՒԿՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
