Այսօր «Սասնա ծռերի» գործով դատական նիստին պետք է ցուցմունք տային տուժողներ Հովհաննես Հովհաննիսյանն ու Անահիտ Ենգիբարյանը:
Երկուսն էլ չէին եկել: Հովհաննես Հովհաննիսյանը դատարանին տեղեկացրել էր, որ գտնվում է Ղարաբաղում ու չի կարող ներկայանալ, իսկ Անահիտ Ենգիբարյանն ասել է՝ վատառողջ եմ, չեմ գալու:
Մեղադրող կողմն ասաց՝ գործի տվյալների համաձայն, վերջինս կին է եւ մեծահասակ, կարելի է այն կանխավարկածից ելնել, որ կարող է իսկապես առողջական խնդիրների պատճառով չներկայանալ:
Դատավորն ասաց, որ Անահիտ Ենգիբարյանը հայտնել է, որ չի պատրաստվում ներկայանալ դատական նիստերին: Նա դատարանին դիմում է գրել, որ առողջական խնդիրներ ունի, բայց, ըստ դատավորի, չի ներկայացրել այդ մասին հավաստող որեւէ փաստաթուղթ: Ուստի դատարանը որոշում կայացրեց Անահիտին ոստիկանության միջոցով բերման ենթարկել՝ հաջորդ դատական նիստին քննելու նպատակով:
Հռիփսիմե ՋԵԲԵՋՅԱՆ
