Ամերիկացի սենատոր Քամալա Հարիսը, որը հայտնի է որպես Հայոց ցեղասպանության ճանաչման ջատագով, արշավ է սկսել 2020թ. նախագահական ընտրություններում դեմոկրատական կուսակցությունից առաջադրվելու համար: Այս մասին հաղորդվում է Հայ դատի ամերիկյան հանձնախմբի Facebook-ի էջում:
Մասնավորապես նշվում է, որ Հարիսը, որպես Կալիֆորնիայի գլխավոր դատախազ, պաշտպանել է ԱՄՆ նահանգների՝ Հայոց ցեղասպանության վերաբերյալ օրենքներ ընդունելու իրավունքը, ինչպես նաև ամերիկահայերի՝ Ցեղասպանության տարիներին չվճարված ապահովագրության վկայականների հարցում արդարության հասնելու իրավունքը:
Նշվում է նաև, որ սենատոր Հարիսը եղել է Ցեղասպանության մասին բանաձևի համահեղինակ և Twitter-ում գրառում է կատարել ի հիշատակ Ցեղասպանության զոհերի:
Այնուամենայնիվ, առայժմ նա հանրային ելույթ չունի ի աջակցություն հայ-ամերիկյան հարաբերությունների կամ Արցախի Հանրապետության անկախության իրավունքի:
Պատրաստեց՝ Վիիկտորյա ԱՆԴՐԵԱՍՅԱՆԸ
