Տավուշի մարզի սահմանամերձ Վազաշեն գյուղի բնակիչ, 1973թ. ծնված Կորյուն Ստեփանյանը 2018թ. հուլիսի 2-ին, ժամը 08.30-ի սահմաններում, Վազաշենում գտնվող իրենց տանը անձնական հարցերի շուրջ վիճաբանել է հոր՝ Դերենիկ Ստեփանյանի հետ, որի ընթացքում դիտավորյալ ձեռքերով հարվածներ է հասցրել նրա մարմնի տարբեր մասերին՝ պատճառելով կյանքի համար վտանգավոր գանգուղեղային ծանր վնասվածք՝անզգուշությամբ առաջացնելով վերջինիս մահը: Նրան մեղադրանք է առաջադրվել ՀՀ քրեական օրենսգրքի 112 հոդվածի 2-րդ մասի 14-րդ կետով եւ 118 հոդվածով:
Նրա դատավարությունը ներկայումս ընթանում է Տավուշի մարզի առաջին ատյանի դատարանում: Կ. Ստեփանյանի նկատմամբ խափանման միջոց է ընտրվել հսկողությանը հանձնելը, նա գտնվում է ՀՀ առողջապահության նախարարության «Հոգեկան առողջության պահպանման ազգային կենտրոնում»:
Ոսկան ՍԱՐԳՍՅԱՆ
