Քիչ առաջ Եվրոպայի խորհրդի խորհրդարանական վեհաժողովի ձմեռային նստաշրջանի լիագումար նիստի ընթացքում ԵԽԽՎ նախագահի պաշտոնում վերընտրվեց գործող նախագահ Լիլիան Մորի Պասկիեն: Ներկայացվել էր միայն նրա թեկնածությունը, և ԵԽԽՎ պատվիրակներից ոչ ոք դեմ չարտահայտվեց:
Լիլիան Մորի Պասկիեն խոսեց ԵԽ անդամ երկրների պարտավորությունների և ԵԽ-ում գոյություն ունեցող ֆինանսական խնդիրների մասին: Նա հայտարարեց. «Այն, որ անդամ երկրներից մեկը՝ նկատի ունեմ Ռուսաստանի Դաշնությանը, ներկայացված չէ Վեհաժողովում, բայց մասնակցում է Եվրոպայի խորհրդի այլ մարմինների աշխատանքներին, համարում եմ անարդյունավետ և բացասական ազդեցություն է ունենում տարածաշրջանում մարդու իրավունքների պաշտպանության և ժողովրդավարության ապահովման վրա»:
Նշենք, որ լիագումար նիստի մեկնարկին Վեհաժողովը մեկ րոպե լռությամբ հարգեց Ստրասբուրգում տեղի ունեցած ահաբեկչության զոհ դարձած Գդանսկի քաղաքապետ Պավել Ադամովիչի հիշատակը: Նա սպանվել է հունվարի 13-ին:
Վեհաժողովը քննարկեց նաև դեկտեմբերի 9-ին Հայաստանում անցկացված արտահերթ խորհրդարանական ընտրությունների հարցը:
Մանրամասները՝ շուտով:
Տաթև ՀԱՐՈՒԹՅՈՒՆՅԱՆ
