Լավաշ, մեղր, ապուրներ. զինվորի սնունդը փոխվել է

Այս տարում ՀՀ զինված ուժերի կենտրոնական պարենային բազայում տեղի ունեցած եւ կատարվելիք փոփոխությունների շնորհիվ զինծառայողները նոր սննդակարգ կունենան: Նրանց առօրյա ճաշացանկում կավելանան լավաշ, սխտոր, յոթ տեսակի արագ պատրաստման ապուրներ, սպաս, իսկ հաջորդ տարում՝ նաեւ մեղր: Այս մասին այսօր ԶՈՒ կենտրոնական պարենային բազայում լրագրողների հետ ճեպազրույցում հայտնեց ՀՀ ԶՈՒ թիկունքի վարչության պարենային ծառայության պետ, գնդապետ Արամ Մարգարյանը:

Նա տեղեկացրեց՝ կենտրոնական պարենային բազայում, որտեղից մթերքն առաքվում է զորամասերին, բարելավվել են նաեւ սննդամթերքի պահպանման պայմանները. սառնարանային տնտեսությունը թարմացվել է:

Բացի այդ, այսուհետեւ «զինվորի բաժին՝ վաճառքի ենթակա չէ» գրությունը կլինի ոչ միայն զինվորի համար նախատեսված պահածոների, այլեւ՝ դրանց արկղերի վրա: «Ձմռանը մեկ զինվորի համար կհատկացվի առողջարար, բնական մեղր, նաեւ՝ ճարպ»,-նշեց Արամ Մարգարյանը:

Այլ մանրամասները՝ տեսանյութում:

https://www.facebook.com/aravot.am/videos/350189489147754/

Լուիզա ՍՈՒՔԻԱՍՅԱՆ