Երևանի ընդհանուր իրավասության դատարանի Ավանի նստավայրում (նախագահող դատավոր՝ Արմեն Բեկթաշյան) տեղի ունեցավ Նորք-Մարաշի զինված խմբի գործով դատական նիստը: Ներկա չէին ամբաստանյալներ Հարություն Սարիբեկյանը, Վաղինակ Ստեփանյանը, պաշտպաններ Նելլի Մինասյանը, Արմինե Ֆանյանը, Գիվի Հովհաննիսյանը:
Նախագահող դատավոր Արմեն Բեկթաշյանը նշեց, որ գրություն են ստացել, որ կան փոփոխված հանրային պաշտպաններ, որոնց ժամանակ է անհրաժեշտ գործի նյութերին ծանոթանալու համար:
Հարցին՝ հանրային պաշտպան Լուսինե Ասլանյանի մասով խնդիր ունե՞նք, Լուսինե Ասլանյանը պատասխանեց, որ իրեն նյութերին ծանոթանալու համար ժամանակ է անհրաժեշտ ոչ պակաս, քան 2 ամիս:
Նախագահող դատավորն ասաց, որ առանց ամբաստանյալների նիստը շարունակել չեն կարող:
Պաշտպան Լևոն Բաղդասարյանը հորդորեց դատավորին նիստը հետաձգելիս հաշվի առնել, որ ամբաստանյալի խափանման միջոց փոխելու միջնորդություն է դատարանին ներկայացված:
Այն հետաձգվեց, նշանակվեց հունվարի 25-ին՝ ժամը 16.00-ին:
Տաթև ՀԱՐՈՒԹՅՈՒՆՅԱՆ
