Ս.թ.հունվարի 17-ին ԱՀ ոստիկանության քարտուղարությունից ԱՀ ոստիկանության տնտեսական և պաշտոնեական հանցագործությունների դեմ պայքարի բաժին է մուտքագրվել «Լառմս» ՍՊԸ սնանկության գործով կառավարիչ՝ Ստեփանակերտ քաղաքի բնակիչ, 1977թ.ծնված Ա. Խ-ի եզրակացությունն առ այն, որ «Լառմս» ՍՊ ընկերությունը ԱՀ ընդհանուր իրավասության առաջին ատյանի դատարանի 2018թ.դեկտեմբերի 20-ի վճռի համաձայն ճանաչվել է սնանկ և ընկերության տնօրեն՝ Ստեփանակերտ քաղաքի բնակիչ, 1984թ.ծնված Ա. Ս-ն թաքցնում է ընկերության կնիքը, ինչպես նաև ընկերության կողմից գնված 1 հատ CAT 315 անիվավոր էքսկավատորը, 1 հատ ԿՍՄ-4 ավտոբետոնախառնիչը և 3 կոմպլեկտ համակարգիչները՝ դրանով իսկ կատարելով անօրինական գործողություններ սնանկության ընթացքում:
Ստուգմամբ զբաղվում է ԱՀ ոստիկանության տնտեսական և պաշտոնեական հանցագործությունների դեմ պայքարի բաժինը:
Արցախի ոստիկանություն
