Անգլիացի հայտնի երգիչ Ռոբի Ուիլիամսը վերջին շրջանում սովորություն է դարձրել չափազանց բարձր երաժշտություն լսել, այդպիսով նա ցանկանում է զզվեցնել իր հարևանին՝ ոչ պակաս հայտնի կիթառահար Ջիմի Փեյջին, հաղորդում է BBC-ն:
Տեղի խորհուրդի ընդունված բողոքի համաձայն՝ Take That-ի նախկին մենակատար Ուիլիամսը և Led Zeppelin-ի նախկին կիթառահար Փեյջը վիճել են՝ իր տան տարածքն ընդլայնելու Ուիլիամսի ծրագրերի պատճառով:
Տեղի բյուրոկրատիայի հետ 5 տարվա պայքարից հետո Ուիլիամսն ի վերջո թույլտվություն է ստացել ընդլայնել Լոնդոնի Հոլանդ Փարք թաղամասում գտնվող իր տան նկուղային տարածքը՝ այնտեղ լողավազան կառուցելով:
Հարևան տանն արդեն 46 տարի ապրում է Ջիմի Փեյջը, որը մտավախություն ունի, թե շինարարությունը կարող է խարխլել 1875թ. կառուցված իր տան հիմքերը:
Փեյջի ներկայացրած հայցում նշվում է, որ Ուիլիամսը ակուստիկ համակարգեր է տեղադրել փողոցում և ամեն անգամ բարձր երաժշտություն է միացնում, հենց որ տարածքում երևում է Ջիմի Փեյջը: Վերջինիս էլ հատկապես նյարդայնացնում է այն հանգամանքը, որ Ուիլիամսը միացնում է 1970-ականների Led Zeppelin-ի հիմնական մրցակիցների երաժշտությունը՝ Black Sabbath, Deep Purple и Pink Floyd:
Պատրաստեց՝ Վիկտորյա ԱՆԴՐԵԱՍՅԱՆԸ
