Լրագրող Յուրի Դուդի և հեռուստահաղորդավարուհի Անաստասիա Իվլեևայի դեմ 100 մլն ռուբլու հայց են ներկայացրել պատվի և արժանապատվության վիրավորման փաստով: Այս մասին հաղորդում է Lenta.ru-ն:
Հայցը ներկայացվել է դեկտեմբերի վերջին: Հայցվորի դերում հանդես է եկել Բեստաև Ա. Ա.-ն, որը բլոգերներից յուրաքանչյուրից պահանջել է 50 մլն ռուբլի: Դատարանի ներկայացուցիչները նշել են, որ Բեստաևը ցանկանում է հերքում ստանալ Դուդին տված Իվլեևայի հարցազրույցի ժամանակ հնչած արտահայտությունների համար:
Հարցազրույցի ժամանակ Դուդը հաղորդավարուհուն ավանդական հարց է տալիս. «Հայտնվելով Պուտինի առաջ՝ ի՞նչ կասեիր», որին Իվլեևան հայհոյանքով է պատասխանում:
«Անհնար եմ համարում նման արտահայտություն նախագահ Պուտինի հասցեին՝ անկախ այն բանից, ում կողմից է հնչել, հաշվի առնելով նրա աշխատանքը, արժանիքները, աշխատանքի արդյունքները՝ հանուն Ռուսաստանի, Աշխարհի և Երկրի: Դուդից պահանջում եմ հեռացնել այդ տեսանյութը, որտեղ էլ որ նա դա տարածած լինի, և այլևս երբեք չտարածել»,- գրել է Բեստաևը: Տեսանյութը ջնջելու համար նա նաև միջնորդագիր է նախաձեռնել:
Պատրաստեց՝ Վիկտորյա ԱՆԴՐԵԱՍՅԱՆԸ
