Այսօր Aravot.am-ը ԲՀԿ առաջնորդ Գագիկ Ծառուկյանին հարցրեց՝ Բելառուսի նախագահը ձեր ընկերն է, չե՞ք փորձել ձեր ընկերոջն ասել, որ Հայաստանի հետ հարաբերություններում կոռեկտ լինի, Ադրբեջանին այդքան մեծ տուրք չտա՝ Ծառուկյանը պատասխանեց. «Ես իրեն ասել եմ, իր վերաբերմունքը, հարգանքը դուք տեսնում եք: Ինքը սպասում է, որ մեր վարչապետի կողմից հրավերք լինի, ինքը գա հանդիպի վարչապետի հետ, հանդիպի ձեր հետ եւ ցանկացած ձեր հուզող հարցին ինքը պատասխանի»: Մենք ճշտեցինք՝ այսինքն, Լուկաշենկոն գալու է Հայաստա՞ն՝ նա պատասխանեց. «Դե հիմա ասենք թե նախագահականը, վարչապետի աշխատակազմը պիտի ասի՝ հրավերք ուղարկե՞լ են, թե՞ ոչ»:
Ծառուկյանը նաեւ ասաց. «Դուք պետք է երանի տաք, որ Ծառուկյանի պես մարդը քաղաքականության մեջ լինի, կայացած մարդ է, ունեւոր մարդ է, հարգարժան, ճանաչված, ստուգում են՝ ոչ մի բան ոչ մի տեղ չեն գտնում»: Նա ասաց, որ եթե ինքը պատգամավոր է, դա հենց մեզ՝ լրագրողներին է պետք, մեր ընտանիքներին. «Հիմա որ ասեմ անաղուհաց, կասեք…»:
Հռիփսիմե ՋԵԲԵՋՅԱՆ
