«Վստահեցնում եմ` խայտառակ փաստեր ունենք, որոնք իրավապահները կներկայացնեն իրենց գործունեության արդյունքում»,-«Արմենպրես» լրատվական գործակալությունում ԶԼՄ-ների հետ հանդիպմանն այսօր անդրադառնալով Պետական վերահսկողական ծառայության կողմից ԵՊՀ-ում հայտնաբերված չարաշահումներին, ասաց ՊՎԾ պետ Դավիթ Սանասարյանը:
«Խոսում են ԵՊՀ-ի վարկանիշի մասին: Մենք հարցականի տակ ենք դնում այն եւ թույլ չենք տա, որ այսուհետեւ որեւէ լումա անօրինական կերպով բուհից խլվի: Մարդիկ իրենք են իրենց գործունեությամբ ԵՊՀ վարկանիշի վրա ազդել: Ուսանողները շատ լավ հասկանում են, թե ինչի մասին է խոսքը»,-նշեց Դավիթ Սանասարյանը:
Նա պնդեց, որ ԵՊՀ ռեկտորի հետ առճակատում չունի. «Վստահեցնում եմ, որ ԵՊՀ-ի գործը դատարան է գնալու»:
Հիշեցնենք, որ ԵՊՀ ռեկտոր Արամ Սիմոնյանն էլ իր հերթին է դատարան դիմելու՝ իր բարի համբավն արատավորելու համար: «Թող դիմի, մենք պատրաստ ենք»,-վստահեցրեց Դավիթ Սանասարյանը:Ապա նաեւ ակնարկեց, որ ԵՊՀ Իջեւանի մասնաճյուղում եւ պանսիոնատներում ուսումնասիրություններ չեն արել՝ ժամանակի սղության պատճառով:
Չարաշահումների առնչությամբ ԵՊՀ ռեկտոր Արամ Սիմոնյանի կարծիքը՝ այստեղ:
Լուիզա ՍՈՒՔԻԱՍՅԱՆ
