Ինչո՞ւ մեր ուժեղագույն շախմատիստները չեն մասնակցում Հայաստանի առաջնությանը

Շախմատի Հայաստանի բարձրագույն խմբի տղամարդկանց եւ կանանց առաջնություններում որոշվում են ոչ միայն չեմպիոնները, այլեւ դրանց արդյունքով կազմավորվում են տվյալ տարվա ազգային հավաքականները, որոնցում ընդգրկվում են 5-ական շախմատիստներ:

ՀՇՖ կանոնադրությամբ, որը հաստատվել է 2018 թվականի հոկտեմբերի 8-ին, որոշվել է ազգային հավաքականները կազմավորելու կարգը: Ըստ այդմ.

3 շախմատիստներ հավաքականի հիմնական կազմը համալրում են 2018 թվականի հունվարի 1-ի եւ դեկտեմբերի 1-ի միջազգային վարկանիշերի միջին ցուցանիշներով:

1 շախմատիստ՝ 2019 թվականի Հայաստանի բարձրագույն խմբի մրցաշարի լավագույն արդյունքով:

1 շախմատիստ՝ մարզիչների առաջարկով:

Լեւոն Արոնյանը, Հրանտ Մելքումյանը, Գաբրիել Սարգսյանը, Էլինա Դանիելյանը եւ Լիլիթ Մկրտչյանը իրենց միջին վարկանիշով մրցակցությունից դուրս են: Հետեւաբար, Հայաստանի առաջնություններում մեր մյուս լավագույնները պայքարում են մնացած տեղերը լրացնելու իրավունքի համար:

Աշոտ ՀԱԿՈԲՅԱՆ